10- ماۋسىم. قازاقپارات كۇنتىزبەسى
ەستە قالار وقيعالار
1934 -جىلى الماتىدا حالىق ونەرى وكىلدەرىنىڭ ءبىرىنشى بۇكىل قازاقستاندىق سلەتى ءوتتى. ماۋسىمنىڭ 15 ىنە دەيىن سوزىلعان سلەتكە جامبىل، كەنەن، ۇمبەتالى سەكىلدى اقىندار قاتىستى.
1996 -جىلى قازاقستان رەسپۋبليكاسىنىڭ «اۆتورلىق قۇقىق جانە ساباقتاس قۇقىقتار تۋرالى» زاڭى قابىلداندى.
1998 -جىلى قازاقستان رەسپۋبليكاسىنىڭ جاڭا استاناسىن رەسمي تانىستىرۋعا ارنالعان سالتاناتتى ءماجىلىس ءوتتى. 10- ماۋسىم 2006 -جىلعا دەيىن استانانىڭ تۋعان كۇنى رەتىندە اتاپ ءوتىلىپ كەلدى. 2006 -جىلدان باستاپ ەلوردا كۇنى 6 -شىلدەدە مەرەكەلەنەدى. ەسكە سالايىق، 1994 -جىلى ق ر پارلامەنتى وتىرىسىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ قازاقستاننىڭ استاناسىن الماتىدان اقمولاعا كوشىرۋ تۋرالى ۇسىنىس جاسادى. 1997 -جىلى 20 - قازاندا استانانى اۋىستىرۋ تۋرالى جارلىققا قول قويدى. 1998 -جىلى 6 - مامىردا اقمولا قالاسىنىڭ اتاۋى استانا بولىپ وزگەردى.
1998 -جىلى ق ر پرەزيدەنتى نۇرسۇلتان نازاربايەۆ استاندا وتان قورعاۋشىلار مونۋمەنتىنىڭ ىرگەتاسىن قالادى. مونۋمەنتتىڭ رەسمي اشىلۋى 2001 -جىلدىڭ 9 - مامىر كۇنى ءوتتى.
2004 -جىلى ق ر ۇلتتىق اكادەميالىق كىتاپحاناسىنىڭ رەسمي اشىلۋى ءوتتى. استانا قالاسىنداعى قازاقستان رەسپۋبليكاسىنىڭ ۇلتتىق اكادەميالىق كىتاپحاناسى ق ر ۇكىمەتىنىڭ 2004 -جىلعى 23 - ساۋىرىندەگى № 461 قاۋلىسىمەن قۇرىلدى. باستى ماقسات - ەلوردانىڭ اقپاراتتىق، ءبىلىم بەرۋ جانە مادەني- اعارتۋشىلىق ينفراقۇرىلىمىن ودان ءارى دامىتۋ.
2005 -جىلى استانادا قازاق ۇلتتىق مۋزىكا اكادەمياسىندا ورگان زالىنىڭ اشىلۋ سالتاناتى ءوتتى.
2010 -جىلى الماتى وبلىسى ەڭبەكشىقازاق اۋدانىندا «ەسىك» مەملەكەتتىك تاريحي- مادەني قورىق- مۋزەيى اشىلدى.
2011 -جىلى حالىقارالىق كورمە بيۋروسىنىڭ پاريجدەگى شتاب- پاتەرىندە ق ر سىرتقى ىستەر مينيسترلىگىنىڭ جاۋاپتى حاتشىسى، استانا كانديداتۋراسىن ۇسىنۋ بويىنشا ۇلتتىق ۇيلەستىرۋشى ءراپىل جوشىبايەۆ 2017 -جىلى ەكىسپو حالىقارالىق مامانداندىرىلعان كورمەسىن استانا قالاسىندا وتكىزۋ تۋرالى ءوتىنىم بەردى.
2015 -جىلى استانادا بىرىككەن ۇلتتار ۇيىمى وكىلدىگىنىڭ جاڭا عيماراتى اشىلدى. اشىلۋ سالتاناتىنا ب ۇ ۇ باس حاتشىسى پان گي مۋن مەن ق ر سىرتقى ىستەر مينيسترى ەرلان ىدىرىسوۆ قاتىستى. ب ۇ ۇ- نىڭ 8 مەكەمەسى ورنالاساتىن التى قاباتتى عيمارات ەلورداداعى ءاليحان بوكەيحان كوشەسىندە ورنالاسقان.
2015 -جىلى پاريجدە يۋنەسكو- نىڭ «ادام جانە بيوسفەرا» باعدارلاماسىنىڭ حالىقارالىق ۇيلەستىرۋ كەڭەسىنىڭ وتىرىسى ءوتتى. ناتيجەسىندە بيوسفەرالىق قورىقتاردىڭ دۇنيەجۇزىلىك تىزىمىنە اقسۋ- جاباعىلى (قازاقستان) قورىعى ەنگەن بولاتىن.
2017 -جىلى استانادا ليۋكسەمبۋرگ ۇلى گەرتسوگتىگى كونسۋلدىعىنىڭ سالتاناتتى تۇردە اشىلۋ ءراسىمى ءوتتى.
2017 -جىلى يتاليا رەسپۋبليكاسىنىڭ تاۋەلسىزدىك كۇنىندە قازاقستاندىق وپەرا ءانشىسى باتىرجان سماقوۆ فانو قالاسىنداعى «تەاترو دەللا فورتۋنا» تاريحي تەاترىندا جەكە كونتسەرتىن بەردى.
2018 -جىلى گەرمانيانىڭ بەرلين قالاسىندا پاراجۇزۋدەن الەم كۋبوگى ءوتتى. سايىسقا 55 ەلدەن 700 دەن استام سپورتشى قاتىستى. وندا قازاقستان قۇراما كومانداسى 13 التىن، 9 كۇمىس جانە 15 قولا مەدال جەڭىپ الدى.
2019 -جىلى قازاقستان حالقى اسسامبلەياسى قازاقستان رەسپۋبليكاسى پرەزيدەنتىن كەزەكتەن تىس سايلاۋىنىڭ اياقتالۋىنا بايلانىستى وتانداستارىنا ۇندەۋ جاريالاپ، وندا قاسىم- جومارت توقايەۆتىڭ «بارشاعا ورتاق يگىلىك! ساباقتاستىق. ادىلدىك. ورلەۋ» دەپ اتالاتىن سايلاۋالدى باعدارلاماسىنان كورىنىس تاپقان بولاشاققا ناقتى ءارى سىندارلى كوزقاراسىنىڭ نەگىزىندە جەڭىسكە جەتكەنى اتاپ ءوتىلدى. اتالمىش باعدارلامادا قاسىم- جومارت توقايەۆ كەزەكتەن تىس سايلاۋدا جەڭىسكە جەتىپ، مەملەكەت باسشىسى بولعان جاعدايدا قانداي ساياسات ۇستانىپ، ەلدە قانداي رەفورمالار جۇرگىزەتىندىگى جونىندەگى مالىمەتتەر كورىنىس تاپقان. باعدارلامادا ەلدىڭ ىشكى جانە سىرتقى ساياساتىنا قاتىستى، سونداي- اق ەكونوميكا جانە الەۋمەتتىك سالاسىنا قاتىستى ماسەلەلەر تولىق قامتىلعان. باعدارلاما ساباقتاستىق، ادىلدىك، ورلەۋ اتتى ءۇش باعىتتان تۇرادى.