قازگيدرومەت: 10-ءساۋىر كۇنگى اۋا رايى بولجامى
07:07, 10 - ءساۋىر 2020
نۇر-سۇلتان. قازاقپارات - ءساۋىردىڭ 10 ى كۇنى اتموسفەرالىق فرونتالدى بولىكتەردىڭ وتۋىنە بايلانىستى رەسپۋبليكانىڭ باسىم بولىگىندە قار، جاۋىن جاۋىپ، ەلدىڭ باتىسىندا عانا كۇن اشىق بولادى.
رەسپۋبليكانىڭ كەي جەرلەرىندە تۇمان ءتۇسىپ، جەل كۇشەيىپ، وڭتۇستىك-باتىستا، جانە وڭتۇستىكتە شاڭدى داۋىل كوتەرىلەدى، دەپ حابارلايدى قازاقپارات «قازگيدرومەت» ر م ك- نىڭ مالىمەتتەرىنە سۇيەنە وتىرىپ.
قىزىلوردا، ماڭعىستاۋ وبلىستارىنىڭ ءبىرقاتار اۋماقتارىندا جەل كۇشەيىپ، جىلدامدىعى سەكۋندىنا 15-20 مەترگە جەتەدى، كۇندىز شاڭدى داۋىل كوتەرىلەدى.
جامبىل، قوستاناي، سولتۇستىك قازاقستان، شىعىس قازاقستان، الماتى وبلىستارىنىڭ ءبىرقاتار اۋماعىندا تۇمان بولىپ، سەكۋندىنا 15-20 مەتر جىلدامدىقپەن جەل سوعادى.
تۇركىستان، كۇندىز باتىس قازاقستان، اقتوبە وبلىستارىنىڭ كەي جەرلەرىندە جەل كۇشەيىپ، سەكۋندىنا 15-20 مەتر جىلدامدىقپەن ۇيتقيدى.
اقمولا، قاراعاندى وبلىستارىنىڭ ءبىرقاتار اۋماقتارىندا تۇمان تۇسەدى.