ميللياردەر گونكونگ تۇرعىندارىنا 10 ميلليون ماسكانى تەگىن تاراتپاق
بۇل ماقساتتا 35 ساۋدا اۆتوماتى سالىنباق. ولار گونكونگتىڭ ءتۇرلى بولىكتەرىندە ورناتىلادى، دەپ حابارلايدى قازاقپارات CNN-گە سىلتەمە جاساپ.
بيزنەس يمپەريانىڭ مۇراگەرى چەن ماسكالاردىڭ ءبىرىنشى پارتياسى ءالسىز ادامدار توپتارى مەن تابىسى تومەن وتباسىلارعا تاراتىلاتىنىن ءمالىم ەتتى. ولارعا ماسكالاردى اۆتوماتتاردان الۋ ءۇشىن ارنايى سمارت كارتالار بەرىلەدى.
ازيانىڭ باسقا بىرنەشە ەلدەرى سياقتى، گونكونگ تا ءوز تۇرعىندارىنا Covid-19 كوروناۆيرۋسى ورشىگەن كەزدەن باستاپ مىندەتتى تۇردە ماسكا تاعۋدى كەڭەس ەتكەن. چەن New World Development كومپانياسىنىڭ باس ديرەكتورى ءارى اتقارۋشى ۆيتسە-ءتوراعاسى، سونىمەن قاتار ونەر تۋىندىلارىن تانىمال جيۋشى. بىلتىر ول گونكونگتا ءوزىنىڭ جارقىن ساۋلەت جانە ونەرىمەن كەڭىنەن تانىمال بولعان K11 Musea ساۋدا ورتالىعىن اشتى.
Forbes چەن وتباسىنىڭ داۋلەتىن 20,7 ميلليارد دوللارعا باعالاپ وتىر. ماسكالاردى تاراتۋ اۆتوماتتارى ءساۋىردىڭ سوڭىندا قالانىڭ 18 اۋدانىندا ورنالاستىرىلادى. Johns Hopkins University مالىمەتتەرىنشە، قازىرگى كەزدە گونكونگتا ىندەتكە شالدىعۋدىڭ 1000 عا جۋىق وقيعاسى تىركەلىپ، ۆيرۋستان ءتورت ادام قايتىس بولعان.