ساۋالناماعا سايكەس، قازاقستاندىقتاردىڭ %31 ى ەشقاشان سىبايلاس جەمقورلىققا قارسى قىزمەتپەن بىرگە جۇمىس ىستەپ كورمەگەن. قازاقستاندىقتاردىڭ سىبايلاس جەمقورلىقپەن بەلسەندى كۇرەسكەنى ءۇشىن الاتىن ەڭ كوپ سوماسى - 10,6 ميلليون تەڭگە. 2020 -جىلعى قاڭتار- اقپان ايلارىندا سىبايلاس جەمقورلىققا قاتىستى 1255 قىلمىستىق ءىس قارالدى. بۇل وتكەن جىلدىڭ سايكەس كەزەڭىمەن سالىستىرعاندا %0,1 از كورسەتكىش. ونىڭ ىشىندە اۋىر سىبايلاس جەمقورلىق قىلمىستار - 885, ورتاشا سىبايلاس جەمقورلىق قىلمىستار - 207. ق ر ۇلتتىق ەكونوميكا مينيسترلىگىنىڭ جانىنداعى ستاتيستيكا كوميتەتىنىڭ 2019 -جىلى جۇرگىزگەن ستاتيستيكاسى بويىنشا، قازاقستاندىقتاردىڭ سىبايلاس جەمقورلىققا قارسى قىزمەتكە دەگەن سەنىمى % 16,1- دان % 25,1- عا دەيىن ارتقان. بۇل قىزمەت تۇرىنە تولىق سەنبەيتىندەردىڭ قاتارى %4,1- دان %1,6- عا قىسقارعان. قازاقستان رەسپۋبليكاسىنىڭ سىبايلاس جەمقورلىققا قارسى ءىس- قيمىل اگەنتتىگىنىڭ قولداۋىمەن 2019 -جىلدىڭ 24 - جەلتوقسانىنان 2020 -جىلدىڭ 2 - قاڭتارىنا دەيىن ەلدەگى سىبايلاس جەمقورلىقتى قابىلداۋ دەڭگەيىنىڭ جانە ازاماتتاردىڭ ار- ۇيات الەۋەتىن زەرتتەۋ جۇمىستارى جۇرگىزىلگەن.
قازاقستان بويىنشا 18 جاستان اسقان 58 مىڭنان استام ادام ساۋالناماعا قاتىسقان. رەسپوندەنتتەردىڭ %30,8 ى سىبايلاس جەمقورلىققا قارسى ءىس- شارالارعا ەرىكتى رەتىندە قاتىسۋعا دايىن ەكەنىن بىلدىرسە،% 63 ى سىبايلاس جەمقورلىققا قارسى شارالارعا جالپى قاتىسۋعا دايىن ەكەنىن بىلدىرگەن.