بۇل تۋرالى ق ر د س م «دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىنىڭ» باس ديرەكتورى ارنۇر نۇرتايەۆ ايتىپ بەردى.
«كوروناۆيرۋسكە بايلانىستى دۇرلىگۋ سالدارىنان ءدارىحانالىق ۇيىمدار قاۋىمداستىعىمەن بىرلەسىپ، ءبىر ادامعا 10 دانا ماسكا عانا ساتۋدى ۇسىنامىز. بۇل ادامداردىڭ مىڭداعان، ون مىڭداعان ماسكا الۋىنا جول بەرمەۋ ءۇشىن جاسالۋدا. كەي ادامدار ءدارىحانادان مۇمكىندىگىنشە مىڭ دانا ماسكا العان. دەنساۋلىق ساقتاۋ مينيسترلىگى كوپ ماسكا ساتۋعا تىيىم سالا المايدى. ءبىز تەك ءدارىحانالار جەلىسىنە ۇسىنىم جاساي الامىز. ولار دا دۇرلىگۋ ماسەلەسىن شەشۋگە تىرىسىپ جاتىر» ، - دەدى سپيكەر ورتالىق كوممۋنيكاتسيالار قىزمەتىندە تىلشىلەرگە بەرگەن سۇحباتىندا.
بۇعان دەيىن ا. نۇرتايەۆ ەلىمىزدە 1 ميلليون دانا مەديتسينالىق ماسكا قالعانىن جانە سۇرانىستىڭ 30 ميلليون داناعا دەيىن وسكەنىن ايتقان ەدى.
ونىڭ ايتۋىنشا، وتاندىق مەديتسينالىق بەتپەردە وندىرۋشىلەر ءبىر ايدا 6 ميلليوننان استام نەمەسە كۇنىنە 180-200 مىڭعا جۋىق ماسكا شىعارادى. بۇل بۇيىمدار ەڭ الدىمەن مەملەكەتتىك مەديتسينالىق مەكەمەلەرگە جىبەرىلەدى.
سونىمەن بىرگە، ۆەدومستۆوارالىق كوميسسيا وتاندىق كاسىپورىندار وندىرگەن ماسكالاردى ەل اۋماعىنان شىعارۋعا تىيىم سالعان. بۇل تىيىم ءالى دە ءوز كۇشىندە.