سايلاۋ كەزىندە قوعامدىق قاۋىپسىزدىكتى ساقتاۋعا 10 مىڭ پوليتسەي جۇمىلدىرىلادى
بۇل تۋرالى ىشكى ىستەر مينيسترلىگىندە وتكەن باسپا ءسوز ءماسليحاتىندا ق ر ءى ءى م اكىمشىلىك پوليتسيا كوميتەتىنىڭ ءتوراعاسى ماقسات بايبولوۆ ءمالىم ەتتى، دەپ حابارلايدى قازاقپارات ءتىلشىسى.
«وزدەرىڭىز بىلەتىندەي، 7-12 -ماۋسىم ارالىعى - كەزەكتەن تىس سايلاۋ ۋاقىتىندا ءبىز كۇشەيتىلگەن قىزمەت تۇرىنە اۋىسامىز. سايلاۋ الدىنداعى كەزەڭدە «سايلاۋ تۋرالى» كونستيتۋتسيالىق زاڭناماعا سايكەس، بارلىق ايماقتاردا قۇقىقتىق ءتارتىپ پەن قوعامدىق قاۋىپسىزدىك قامتاماسىز ەتىلەتىن بولادى. جالپى، ءى ءى م ەل اۋماعىندا قوعامدىق قاۋىپسىزدىكتىڭ تۇراقتى بولۋى ءۇشىن بارلىق شارالاردى قابىلداپ جاتىر»، - دەدى ماقسات بايبولوۆ.
كوميتەت ءتوراعاسىنىڭ ايتۋىنا قاراعاندا، ءىرى قالالارعا، ماسەلەن نۇر-سۇلتانعا باسقا ايماقتاردان پوليتسيا قىزمەتكەرلەرىن تارتۋ جوسپارلانىپ وتىرعان جوق.
«نۇر-سۇلتانداعى قوعامدىق قاۋىپسىزدىكتى ساقتاۋ ءۇشىن بارىنشا كوپ قىزمەتكەر جۇمىلدىرىلاتىنى انىق. ال سايلاۋ ۋچاسكەلەرىنە (بارلىق ءوڭىر بويىنشا) 19 مىڭعا تارتا قىزمەتكەر جۇمىلدىرىلادى. سەبەبى، زاڭعا سايكەس، بيۋللەتەندەردى قورعاۋ - پوليتسيا قىزمەتكەرلەرىنىڭ مىندەتى. ال جالپى، ەل بويىنشا قوعامدىق قاۋىپسىزدىك شارالارىنا 10 مىڭ پوليتسيا قىزمەتكەرى تارتىلادى»، - دەدى ماقسات بايبولوۆ.
ايتا كەتسەك، بۇعان دەيىن 9 -ماۋسىم كۇنى وتەتىن پرەزيدەنت سايلاۋىندا توتەنشە جاعداي قىزمەتى دە كۇشەيتىلگەن رەجىمدە جۇمىس ىستەيتىنى حابارلانعان بولاتىن.