سەكۋندىنا 10 تريلليون كادر تۇسىرەتىن كامەرا جاسالدى
وندا كانادانىڭ ۇلتتىق عىلىمي زەرتتەۋ ينستيتۋتىنىڭ پروفەسسورى جينان ليان باستاعان ءبىر توپ عالىم الەمدەگى ەڭ جىلدام كامەرانى قۇراستىرعانى جانە جاڭا تەحنولوگيا تۋرالى Light: Science & Applications عىلىمي جۋرنالىندا جان- جاقتى جازىلعانى ايتىلعان.
«بۇل كامەرا T- CUP دەپ اتالادى جانە ول سەكۋندىنا 10 تريلليون (1013) كادر تۇسىرەدى. ياعني، كامەرا ۋاقىتتى توقتاتقانداي اسەر قالدىرىپ، جارىققا دەيىنگى فەنومەندەردى قاراۋعا مۇمكىندىك بەرەدى»، - دەپ جازادى باسىلىم.
«فەمتوسەكۋندتى كامەرا ارقىلى سۋرەتكە تۇسىرگەندە ونىڭ ساپاسى بۇزىلاتىنى بەلگىلى. سول سەبەپتى ءبىز جاڭا تەحنولوگيا جاساۋ بارىسىندا جاقسى ناتيجەگە قول جەتكىزۋ ءۇشىن ستاتيكالىق سۋرەت الاتىن تاعى ءبىر كامەرانى قوستىق. رادوندى ترانسفورماتسيا ارقىلى ءبىز سەكۋندىنا 10 تريلليون جوعارى ساپالى كادر جاساي الاتىن كامەرا جاساپ شىعاردىق»، - دەيدى عالىمدار.
ماقالا اۆتورىنىڭ ايتۋىنشا، بۇل كامەرا كادر سانى بويىنشا الەمدە رەكورد جاساپ تۇر. سونداي- اق، T- CUP بولاشاقتا بيومەديتسيناداعى جاڭا ميكروسكوپتار جاساۋ بارىسىندا قولدانىلۋى مۇمكىن.
«بۇل - عىلىمداعى ەرەكشە جاڭالىقتاردىڭ ءبىرى»، - دەيدى اۆتور.
اۆتور: ايكۇمىس بولاتبەك