بۇرىنعى پرەزيدەنتتىڭ سوتتى بولۋى قوعامدا ۇلكەن داۋ تۋعىزعاندىقتان، بۇل سوتتى تىكەلەي ەفير ارقىلى كورسەتكەن بولاتىن. سوت ۇكىمىن وتكەن جىلى شىعاردى. الايدا، وسى ۋاقىتقا دەيىن ادۆوكاتتاردىڭ اپەللياتسيالىق شاعىمى قاراستىرىلىپ كەلدى.
كۇنى كەشە عانا برازيليانىڭ جوعارى سوتى مۇشەلەرىنىڭ باسىم داۋىسىمەن ەلدىڭ ەكس-پرەزيدەنتىن قاماۋعا الۋ تۋرالى ناقتى ۇكىم شىعارىلدى. سوت وتىرىسىنداعى 11 سۋديانىڭ التاۋى لۋيس سيلۆانىڭ اباقتىعا جابىلۋىن قولداپ داۋىس بەرگەن.
داۋىس بەرۋ ءراسىمى حالىققا كورسەتىلىپ، ينتەرنەتتە تىكەلەي ەفير ارقىلى جۇرگىزىلدى.
ەسكە سالا كەتەيىك، 2017-جىلدىڭ قىركۇيەگىندە برازيليانىڭ باس پروكۋرورى رودريگو جانو ەلدىڭ بۇرىنعى پرەزيدەنتتەرى لۋيس يناسيۋ لۋلە دا سيلۆا مەن ديلما روۋسسەفف Petrobras مەملەكەتتىك مۇناي كومپانياسىمەن بايلانىستى ءبىرقاتار قىلمىس جاسادى دەگەن بولاتىن. ولار سىبايلاس جەمقورلىق پەن اقشالاي قاراجاتتى جىمقىردى دەپ ايىپتالدى.