ايەلگە ايتۋعا بولمايتىن 10 ءسوز
دەگەنمەن، توسىن سىيدان بولەك ءسىزدىڭ ءاربىر ءسوزىڭىز ولار ءۇشىن ەڭ ماڭىزدى سىيلىق ەكەنىن ۇمىتپاڭىز. ايتقان ءسوزدىڭ قايتپايتىنىن بىلسەڭىز مىنا سوزدەردى ايەلدەر قاۋىمىنا ايتۋعا بولمايتىنىن ەسكەرە ءجۇرىڭىز!
1. «تولىپ كەتىپسىڭ نەمەسە قاتتى ارىپ كەتىپسىڭ» . قىز بالاسى ءۇشىن سالماق تۋرالى ءسوز وتە شانشۋ تاقىرىپتاردىڭ ءبىرى. سەبەبى ادامدار دەنە بىتىمىندە بولىپ جاتقان وزگەرىستەردى وڭاي قابىلداي المايدى. سول سەبەپتى بۇل ءسوز جاقىن جانىڭىزدىڭ كوڭىل- كۇيىن قاتتى ءتۇسىرۋى مۇمكىن. ونىڭ ورنىنا «قۇلپىرىپ كەتىپسىڭ!» دەسەڭىز، ءبىر كۇنگى كوڭىل- كۇيىن وزگەرتىپ جىبەرەسىز.
2. «ءوز جاسىڭىزدان ۇلكەن كورىنەدى ەكەنسىز» . بۇل فرازا ادامنىڭ جاسىن ەسىنە ءتۇسىرىپ، سونىمەن قاتار ايەلدەر ءۇشىن وزىنە ءبىر ءمىن تاققانمەن تەڭ. سول ءۇشىن جاي عانا: «وتە جاقسى كورىنەسىز» دەسەڭىز جەتىپ جاتىر.
3. «نە كيىپ العانسىڭ؟ » . جۇمىستان كۇيەۋىن اسىعىپ كۇتكەن ايەلدەر مەن كەشكى توي- جيىنعا دەپ كۇنى بويى دايىندالعان ايەلگە بۇل ءسوز وتە اۋىر. ءتىپتى مۇنى وزىنە ايتىلعان سىن دەپ قارايدى. ارتىق ءمىن ايتىلماسىن دەسەڭىز، توي- جيىنعا كيىمدى بىرگە تاڭداعاندارىڭىز دۇرىس.
4. «قولىڭنان تۇك كەلمەيدى» . ايەلدىڭ ءبىر قاتەلىگى ءۇشىن بۇل ءسوزدى ايتۋعا بولمايدى. كەرىسىنشە، «بۇل جولى دۇرىس شىقپاي قالىپتى نەمەسە وتكەن جولى جاساعانىڭ ادەمى بولعان ەدى» دەگەن سەكىلدى سوزدەرمەن الماستىرىڭىز. ولاي جاساي الماساڭىز، جەكە پىكىرىڭىزدى وزىڭىزدە قالدىرىپ، سۇيىكتىڭىزدى سوڭىنا دەيىن قولداڭىز.
5. «وزگە بىرەۋمەن سالىستىرماڭىز» . "پالەنشەنىڭ ايەلىمەن سالىستىرعاندا.. ." ايەلدەر وتكەننىڭ ءتاتتى اڭگىمەلەرىنە شىداي المايدى، سالىستىرۋلارعا توزبەيدى. سول سەبەپتى ءاربىر سوزىڭىزگە اباي بولىڭىز. سەبەبى بۇل تۇستا جەكە قارىم- قاتىناستارىڭىز زارداپ شەگۋى مۇمكىن.
6. «الدىن- الا ايتپادىڭ با، سەنىڭ نە قالاپ تۇرعانىڭدى قايدان بىلەمىن» . كەز كەلگەن ايەل ءوزىنىڭ قالاۋىن نەمەسە قاراپايىم جەگىسى كەلگەن ءتاتتىسىن، جۇرەك قالاۋىن جولىقتىرعان جۇبى ايتقىزباي- اق تاۋىپ، ورىنداسا ەكەن دەپ ارماندايدى. الايدا بۇل ارمانى جايىندا ەرىمەن بولىسكىسى كەلمەيدى. سول سەبەپتى تۇسىنىكسىز ماسەلەلەر مەن كيكىلجىڭ ورىن الىپ، اياعى ەرىنەن «ماعان نە قىل دەيسىڭ» دەگەن ءسوزدى ەستۋىمەن اياقتالادى. الايدا بۇل ايەلدەر ءۇشىن توبەدەن سۋىق سۋ قۇيىپ جىبەرگەنمەن بىردەي اسەر قالدىرادى.
7. وتىرىك ايتپاڭىز. سەبەبى ايەلدەر وتىرىكتى الىستان سەزىپ قويادى. سوندىقتان ايەل الدىندا وتىرىك ايتىپ ابىرويعا داق تۇسىرگەنشە، شىنىڭىزدى ايتىپ، باسقا تۇسكەن ماسەلەنى شەشىپ العانىڭىز ءجون. ال شىندىقتى ايتۋدان قورىقپاعان ەردى كەز كەلگەن ايەل سىيلاپ- قۇرمەتتەپ، ونىڭ اعات ءىسى بولسا، كەشىرەدى. ءتىپتى بۇل قىلىعىڭىزدى قۇربىلارىنا ايتىپ، ماقتانىپ، شاتتانادى.
8. كەمشىلىكتەرىن بەتىنە باسپاڭىز. نازىك جاندىلار سەزىمتال كەلەدى. ولار ءۇشىن جاقىن جانىنان جاعىمسىز ءسوزدى ەستۋ وڭايعا تيمەيدى. كەمشىلىكسىز ادام بولمايتىنىن ەسكەرسەڭىز، كەمشىلىكتى كەشىرە ءبىلۋ دە، تۇسىنە ءبىلۋ دە كەرەك.
9. «وزىڭە قارامايسىڭ، كۇتىنبەيسىڭ» . بۇل ءسوز ايەلدەر ءۇشىن عانا ەمەس، بۇكىل ادام بالاسىنا اۋىر تيەتىن جەكە باسقا ايتىلعان دورەكى سىن دەرسىز. سوندىقتان وسىنداي سىن ايتۋدان اباي بولىڭىز!
10. «تاماعىڭ ءدامسىز بولىپتى» . ءسىز ءۇشىن بارىن سالىپ دايىنداعان اسىنا بۇل پىكىرىڭىز تىپتەن ورىنسىز. ەرىنىڭ جۇمىستان ورالۋىن اسىعا كۇتەتىن ايەلدەر ءۇشىن كوڭىل قالدىرارلىق بىردەن- ءبىر ءسوز وسى بولماق. ايەلدەر قاۋىمىن بىرىنەن- ءبىرىن ەرەكشەلەندىرەتىن ولاردىڭ وزىندىك ەركەلىگى مەن نازى. ال ولارعا كوپتەگەن قارسى ايتىلعان پىكىرلەر مەن سىندار ۇناي قويمايدى ەكەن. ال، سىزگە جىگىتتەردىڭ قانداي ءسوزى ۇنامايدى؟
Massaget.kz