دەسە دە 10 جىل بويى ەل الدىنا شىقپاعان اكتريسانىڭ وتباسىلىق ءومىرى، نەمەن اينالىسقانى جايلى ساۋالدار جۇرتشىلىقتىڭ كوكەيىنەن شىقپادى. اكتريسانىڭ وزىنە دە بۇل ساۋال ءجيى قويىلسا كەرەك، Instagram داعى جەكە پاراقشاسىندا ءومىرىنىڭ جۇرت كوزىنەن تاسا تۇستارى جايلى اشىپ ايتتى، دەپ حابارلايدى Stan.kz.
«تۇرمىس قۇرعاننان كەيىنگى ءومىردىڭ ارتىقشىلىقتارىنىڭ ءبىرى - بەلگىلى ءبىر قاعيدانى ۇستانۋ. بوس وتىرعان، اينالىساتىن ءىسى جوق، ۇنەمى زەرىگىپ جۇرەتىن ايەلدەر كۇيەۋىنە ءجيى قوڭىراۋ شالىپ، ميىن اشىتىپ، ومىرىنە شاعىمدانىپ، كۇيەۋىنىڭ كەمشىل تۇستارىن ىزدەيدى نەمەسە ونى وزگەرتۋگە تىرىسادى. سەبەبى ولاردىڭ بوس ۋاقىتى كوپ ءارى وزدەرىنە كوڭىلى تولمايدى. ال قىزمەتتەگى مانساپ، دوستارمەن ۋاقىت وتكىزۋ، بالا تاربيەسى، كينوعا بارۋ، قىزىقتى كۋرستار نەمەسە قايىرىمدىلىق سىندى دۇنيەلەرمەن اينالىسىپ، ۋاقىتىڭىزدى سوعان جۇمساساڭىز، كۇيەۋىڭىزدى ارتىق مازالامايسىز دا. بۇل «وسىنشاما جىل بويى قالاي شىداپ كەلدىڭ؟ » دەيتىن وقىرماندارىما بەرگەن جاۋابىم» ، - دەيدى اعىنان جارىلعان جۇلدىز ابدىكارىموۆا.
ءوز كەزەگىندە وقىرماندارى اكتريسانىڭ قاراپايىمدىلىعى مەن توزىمدىلىگىنە ءتانتى بولىپ، جىلى لەبىزدەرىن ءبىلدىرىپ جاتتى. «اقىلىنا كوركى ساي. ءسىز جاڭادان تۇرمىس قۇرعان كوپتەگەن قىزعا ۇلگىسىز. مۇنشالىقتى تانىمال جۇلدىزدىڭ جارى بولا تۇرا، ونىڭ كولەڭكەسىندە قالۋ ەكىنىڭ ءبىرىنىڭ قولىنان كەلمەيدى» ، «قايراتتىڭ ايەلى ءمىنسىز ەكەنىنە ەشقاشان كۇمان كەلتىرگەن ەمەسپىن» ، - دەگەن پىكىر ءبىلدىردى جەلى قولدانۋشىلارى.