پەتروپاۆلدا كامەرالار 10 مىڭ قۇقىق بۇزۋشىلىقتى ءتۇسىرىپ العان
ورتا ەسەپپەن ءار ەكى-ءۇش كۇن سايىن ولاردىڭ كومەگىمەن قىلمىستىق ىستەر اشكەرەلەنۋدە. «تايگا» ساۋدا ۇيىندەگى تۇراققا كولىگىن قويعان جامبىل اۋدانىنىڭ تۇرعىنى ماشينادا سومكەسىن قالدىرىپ كەتەدى. سول سومكە بۇرىن ۇرلىق جاساعانى ءۇشىن ءىستى بولعان 36 جاستاعى پەتروپاۆل تۇرعىنىن قىزىقتىرادى.
سالونعا كىرىپ، ىشىندە جالپى سوماسى 50000 تەڭگەنى قۇرايتىن قارجى، ەكى التىن جۇزىك پەن باسقا دا باعالى زاتتار سالىنعان سومكەنى قولدى ەتەدى. كوپ ۇزاماي كۋاگەرلەردىڭ حابارلاعان بەلگىلەرىنە ۇقسايتىن ادام ۆيدەوباقىلاۋ كامەرالارىنا ءتۇسىپ قالادى. ونىمەن بىرگە ۇرلانعان باعالى زاتتار دا تابىلدى»، - دەپ مىسال كەلتىردى پوليتسيا ۆەدومستۆوسىنىڭ باسپا ءسوز قىزمەتى.
س ق و ءى ءى د جەدەل جوسپارلاۋ باسقارماسىنىڭ باستىعى پوليتسيا پولكوۆنيگى ەربول بەكتۇروۆتىڭ ايتۋىنشا، جىلدىڭ باسىنان بەرى ۆيدەوباقىلاۋ كامەرالارىنىڭ كومەگىمەن 88 قىلمىستىق ءىس اشىلعان. پەتروپاۆل ءى ءى ب ج ب و ماماندارى 9896 جول قوزعالىسى ەرەجەسىنىڭ، اباتتاندىرۋ ەرەجەسىنىڭ جانە باسقا دا اكىمشىلىك قۇقىق بۇزۋشىلىقتاردى انىقتادى.