وسى 10 قۇپيانى مەڭگەرسەڭىز ءمىنسىز ايەل بولا الاسىز

استانا. قازاقپارات - جاقسى ايەل بولۋ كەز كەلگەن ايەلدىڭ، جاراسىمدى جار تابۋ بارلىق ەركەكتىڭ ارمانى ەكەن داۋسىز.

ەندەشە تومەندەگى «جاقسى ءھام جاراسىمدى» نازىك جاندى بولۋ تۋرالى شارتتارمەن تانىسىپ كورەيىكشى. ءبارىن بولماسادا، بىرنەشەۋىن ورىنداساڭىز سىزگە پايداسى تيەرى ءسوزسىز.

1. جىلى قارسى الۋ.

كۇيەۋى جۇمىستان، ءىسساپاردان نەمەسە كوپ ۋاقىت ۇيدە بولماي ورالعان كەزدە ءاردايىم قۋانا، جىلى جۇزبەن قارسى الىڭىز. ول كىسىنى ادەمى كيىمدە، حوش ءيىس سەۋىپ قارسى الىڭىز. اڭگىمەنى جاقسى جاڭالىقتارمەن باستاپ، ناشار حاباردى كەيىنگە قالدىرىڭىز. سوزدەرىڭىز جۇمساق جانە جايدارى بولسىن. كۇيەۋىڭىز كەلۋىنە ءدامدى تاعام دايىنداڭىز.

2. كۇيەۋىڭىز ءۇشىن ساندەنۋ

تەك كۇيەۋىڭىز ءۇشىن ساندەنىپ، ءيىس سۋ سەبىڭىز. تەك جۇبايىڭىز ءۇشىن ادەمى كورىنۋگە تىرىسىڭىز، ويتكەنى كەز- كەلگەن ەر ادامعا ونىڭ ايەلى سۇلۋ كورىنگەنى جاعىمدى. ءوز تانىڭىزگە قاراڭىز. مەزگىل مەزگىلمەن بەينەڭىزگە وزگەرىس ەندىرىڭىز. مىسالى: شاش ۇلگىسىن وزگەرتىڭىز. ءبىراق قاناعاتسىزدىقتان ساقتانىڭىز.

3. اڭگىمەلەسىپ تۇرۋ.

شىنايى تۇردە ونىڭ جۇمىستارىنا كوڭىل ءبولىڭىز (سۇراپ تۇرىڭىز). كۇيەۋىڭىزدى تىڭداي ءبىلىڭىز. وعان قاجەت كەزدە جاقسى كەڭەس بەرۋگە تىرىسىڭىز. ادامنىڭ شىنايى سويلەسۋى كوبىرەك بولسا، ارا- قاتىناسىنا رازىلىق تانىتادى.

4. ريزالىق تانىتۋ.

كۇيەۋىڭىزدىڭ بار بولعانى ءۇشىن جانە ءسىز ءۇشىن ىستەپ جاتقاندارىنا ريزا بولىڭىز. كۇيەۋىڭىزگە ريزا بولاعانىڭىز، اللانىڭ جازعانىنا رازى بولعانىڭىز. كۇيەۋىڭىزدىڭ جۇمىسىندا نەمەسە قارجىلىق قيىندىق بولعاندا ونى جەگىدەي جەي بەرمەڭىز. سىزدەن دە جاعدايى تومەنگە قاراڭىز جانە وسىعان رازى بولىڭىز.

5. قادىرلەي ءبىلۋ.

كۇيەۋىڭىزدەن مۇمكىن ەمەس(شاماسى كەلمەيتىن) نارسەنى سۇراماڭىز. ءوزىڭىزدىڭ ماقساتىڭىزعا جەتەتىن قۇرال رەتىندە پايدالانباڭىز. ءوز قانداي، سول قالپىندا قابىلداپ، باعالاڭىز. ناتيجەسىندە كۇيەۋىڭىز ءسىزدى ودان قاتتى سۇيەدى.

6. ادال بولىڭىز.

7. كونگىش بولۋ.

ايەل ءاردايىم كۇيەۋىنە قورعانىشقا كىرىپ، ءوز دەگەنىندە تۇرىپ الماۋ كەرەك.

ايەل جۇمساق، كونگىش بولۋ كەرەك. يسلامدا - ەر ادام ءۇيدىڭ باسشىسى. ايەل وعان قاسارىسپاي، ونى تىڭداپ جانە قولداۋ ءبىلدىرۋ كەرەك.

8. سىر ساقتاي ءبىلۋ.

ءسىزدىڭ ارالارىڭىزداعى جەكە اڭگىمەنى، وتباسىڭىزعا قاتىستى نارسەلەردى ارالارىڭىزدا قالدىرىڭىزدار. بوگدە ادامدارعا كۇيەۋىڭىزدىڭ كەمشىلىگىن ايتپاڭىز.

9. قۇرمەتتەۋ.

كۇيەۋىڭىزدىڭ وتباسىن، تۋىستارىن جانە دوستارىن قۇرمەتتەڭىز. ولارعا جىلى شىراي جانە مەيىرباندىق تانىتىپ، قوناققا شاقىرىڭىز، قوناق بولىپ بارىڭىز، ءاردايىم تۋىستىق قارىم- قاتىناستا بولىڭىز. ءسىز كۇيەۋىڭىزدى ەكى وتتىڭ ورتاسىندا قالدىرىپ، ءبىرىن تاڭدايتىن جاعدايعا قالدىرماڭىز.

10. جاقسى ۇيبيكەسى بولۋ.

كۇيەۋىڭىزگە ۇيگە قايتۋ جانە وندا بولۋعا جاعىمدى بولاتىنداي ءۇيدى تازا ءارى رەتتەپ قويىڭىز. تەك قانا ايەل ءۇيدى جايلى جاعداي جاساپ، كۇيەۋىن شەكسىز باقىتتى ەتە الادى.