بەكمان سويلىبايەۆ 10- جەڭىسىنە قول جەتكىزدى
17:57, 11 - ناۋرىز 2017
استانا. قازاقپارات - قازاقستاندىق كاسىپقوي بوكسشى بەكمان سويلىبايەۆ 10- جەڭىسىنە قول جەتكىزدى، دەپ حابارلايدى قازاقپارات ءتىلشىسى.
جەرلەسىمىز بۇگىن كاليفورنيانىڭ تۋستين قالاسىندا مەكسيكالىق گەرمان مەرازبەن جۇدىرىقتاسقان بولاتىن.
اسا تارتىستى وتكەن جەكپە-جەكتە سويلىبايەۆ تورەشىلەردىڭ شەشىمىمەن جەڭىسكە جەتتى. ەسەپ: - 60-54، 60-54، 59-53.
وسى جەڭىسىنەن كەيىن ۇيىمداستىرۋشىلار قازاقستاندىق بوكسشىعا ەستەلىك رەتىندە چەمپيوندىق بەلبەۋدى سىيعا تارتتى.
بۇل سويلىبايەۆتىڭ كاسىپقوي بوكستاعى ونىنشى جەڭىسى. ول وسىعان دەيىن توعىز جەكپە-جەك وتكىزىپ بارلىعىندا دا جەڭىسكە جەتكەن. ونىڭ تورتەۋىن نوكاۋتپەن اياقتاعان.
اۆتور: كۇنسۇلتان وتارباي