استانانىڭ 10 كوشەسى ادامدار مەن اۆتوبۋستارعا ارنالعان كەڭىستىكتەرگە بولىنبەك
جوبالاردىڭ ءبىرى - پلەيسمەيكينگ (placemaking). بۇل، ديناميكالىق، ورنىقتى جانە جايلى كەڭىستىكتەر قۇرۋدى بىلدىرەدى.
ورتالىق باسشىسى اسحات سادۋوۆتىڭ ايتۋىنشا، قوعامدىق كەڭىستىكتەردىڭ قاجەتتىلىگى الەمنىڭ ءتۇرلى قالالارىندا دالەلدەنگەن، ب ۇ ۇ حابيتات قۇرالدارىندا زەرتتەلىپ، سيپاتتالعان ارتىقشىلىقتارى بار.
استانا اكىمدىگىنىڭ باسپا ءسوز قىزمەتىنەن ءمالىم ەتكەندەي، ۋربانيستيكا ورتالىعى استانادا پلەيسمەيكينگ ورىندارى رەتىندە 10 كوشەنى تاڭداعان، اتالعان جوبالار سول كوشەلەردە ىسكە اسىرىلادى. اتاپ ايتقاندا، بەيبىتشىلىك كوشەسى؛ تىلەنديەۆ كوشەسى؛ قابانباي باتىر داڭعىلى؛ ابىلاي حان داڭعىلى؛ سونداي-اق مۇڭايتسپاسوۆ كوشەسى - تاۋەلسىزدىك داڭعىلى - مومىش ۇلى داڭعىلى - جۇمابايەۆ كوشەسى كۆادراتى؛ مۇڭايتپاسوۆ كوشەسىندەگى ساياباق؛ اقبۇلاق جاعالاۋى؛ عاشىقتار ساياباعى؛ «ەۆرازيا» س ءۇ اۋدانى؛ سۋلى-جاسىل جەلەك جولى.
پلەيسمەيكينگ شەڭبەرىندە قىسقى جوبالاۋعا ايرىقشا باسىمدىق بەرىلمەك. ۋربانيستيكا ورتالىعى وكىلدەرىنىڭ پىكىرىنشە، دۇرىس جوبالاۋدىڭ ارقاسىندا ەلوردا قىسقى تۋريزم ورتالىعىنا اينالۋى ابدەن مۇمكىن.
ۇسىنىلعان ەكىنشى جوبا - ەلوردادا العاشقى ۋربان فورۋمىن وتكىزۋ.
«اتالعان فورۋم قالالىق جوسپارلاۋ، ەكولوگيا جانە ەكونوميكا سالالارىندا شەتەلدىك ساراپشىلارمەن تاجىريبە الماسۋ الاڭىنا اينالۋعا ءتيىس»، - دەپ ەسەپتەيدى ورتالىق باسشىسى اسحات سادۋوۆ.