رەسەيدەگى «تۋعان جەر» قازاقتار فەستيۆالىندە 10 مىڭ قوناق بولدى - فوتو

استانا. قازاقپارات - رەسەيدەگى چەسمەن اۋدانىندا وڭىرلىك «تۋعان جەر» فەستيۆال- بايقاۋى ءوتتى.

وعان چەليابى وبلىسىنىڭ 13 اۋماعى، سونىمەن قاتار قوستاناي وبلىسى مەڭدىقارا اۋدانىنىڭ دەلەگاتسياسى قاتىستى، دەپ حابارلادى u24.ru.

مەرەكەگە شامامەن 10 مىڭ قوناق باردى.

 

فەستيۆالدە وننان استام ءتۇرلى بايقاۋ مەن جارىس ءوتتى. ونىڭ ىشىندە كۇرەس پەن بايگە بار.

كيىز ءۇي جانە ۇلتتىق بۇرىش بايقاۋلارىنا التى اۋدان قاتىستى. ترويسكىدەگى «ارمان» قازاق ورتالىعىنىڭ وكىلدەرى جەڭىسكە جەتتى. ۇزدىك ۇلتتىق بۇرىشتى ۋيسك اۋدانىنىڭ وكىلدەرى رەسىمدەدى.

 

قازاق شىعارماشىلىعى بايقاۋىندا 30-دان استام ۇجىم باق سىناستى. مەرەكەلىك كونتسەرتتە ساحناعا 150 ارتيست شىقتى. گران- پري قىزىل اۋدانىنىڭ نامىسىن قورعاعان ايشا كەنجەبولاتوۆاعا بۇيىردى.

 

قازاقتىڭ جەتى اق جاۋلىقتىسى باس جۇلدە ءۇشىن تالاستى. ولاردىڭ جاسى 65 تەن 80 جاسقا دەيىن. ناعايباق اۋدانىنىڭ وكىلى قىنىم ءىشىموۆا جەڭىسكە جەتتى.

مەرەكەدە قوناقتار ۇلتتىق تاعام - بەسبارماقتان ءدام تاتتى. اۋداننىڭ ۇزدىك اسپازدارى ءبىر توننا اس ازىرلەگەن.