پروكۋرورلار ميللياردەر وندىرگەنوۆتى قاتاڭ رەجيمدەگى كولونياعا 10 جىلعا توعىتۋدى سۇراپ وتىر
م. وندىرگەنوۆتىڭ ءىسى قىلمىستىق ءىس بويىنشا ارنايى مامانداندىرىلعان سوتتا قارالىپ جاتىر.
وندىرگەنوۆتى قىلمىستىق كودەكستىڭ بىرنەشە بابى بويىنشا، ونىڭ ىشىندە ۇيىمداسقان قىلمىستىق توپ قۇرۋ جانە باسقارۋ، قىلمىستىق جولمەن اقشا جىمقىرۋ، الاياقتىق، ءىرى كولەمدە اقشا بوپسالاۋ، زاڭسىز باس بوستاندىعىنان ايىرۋ بويىنشا ايىپ تاعىلۋدا.
ودان بولەك، پروكۋراتۋرا سۋبسيديا رەتىندە قالا بيۋدجەتىنەن «اقتوبە اۆتوپارك» ج ش س- نە بولىنگەن 4,5 ميلليارد تەڭگەنى تولەتۋ تۋرالى وبلىس اكىمدىگىنىڭ تالابىن قاناعاتتاندىرۋ قاجەت دەپ سانايدى.
كاسىپورىن شىعىنعا ۇشىرادىق دەپ حابارلاعان، ال شىن مانىندە قوعامدىق كولىكتەن كۇنىنە 4-5 ميلليون تەڭگە ءتۇسىپ وتىرعان.
پروكۋرور امانگۇل جۇماعاليەۆا «اقتوبە اۆتوپارك» ج ش س بۇرىنعى ديرەكتورى ەربول ءادىلوۆتى ق ر ق ك 190-بابى، 4- ءبولىمى (اسا ءىرى كولەمدەگى الاياقتىق) جانە 262-بابى، 2- ءبولىمى (ۇيىمداسقان قىلمىستىق توپقا قاتىسۋ) بويىنشا ايىپتى دەپ تانۋدى جانە جالپى رەجيم كولونياسىنا 8 جىل باس بوستاندىعىنان ايىرۋدى سۇرادى.