شاحيزادانىڭ جولداسى وزىنەن 10 جاس كىشى «توقال» الدى
ەرلى-زايىپتىنىڭ اجىراسۋىنا ءانشىنىڭ بالا كوتەرە الماۋى سەبەپ بولعان ەكەن. دەسە دە، ول وزىنەن ون جاس كىشى قىزعا ۇيلەنگەن جولداسىنا تەك قانا باقىت تىلەيتىنىن ايتادى.
بۇل تۋرالى Stan.kz 31 ارناعا سىلتەمە جاساپ حابارلايدى.
شاحيزادا جۋىردا الماتىنىڭ ەليتالى اۋدانىندا ورنالاسقان جاڭا پاتەرىنە كوشىپ باردى. ءانشى جوندەۋ جۇمىستارىنا تىكەلەي ءوزى اتسالىسقان. كۇيزەلىپ جۇرسە كەرەك، پاتەرىن جانعا جايلىلىق سىيلايتىنداي ارلەۋگە تىرىسقان. مۇنىمەن قاتار، قىمبات پاتەرىندە جالعىز ءوزى تۇرۋعا ءماجبۇر. سەبەبى، ول 10 جىل وتاسقان كۇيەۋىمەن اجىراستى.
«ۇيدەگىنىڭ بارلىعىن ءوز تالعامىما ساي تاڭدادىم. ينتەرنەتتە 5-6 اي بويى ءومىر ءسۇردىم دەسەم دە بولادى. ءوزىم، دوستارىم ۇيگە كەلگەن كەزدە جانعا تىنىشتىق سىيلاسىن دەگەن ويدا بولدىم.
اسان قۇرمانبەكوۆ ەكەۋىمىزدىڭ ءسابيىمىز بولماعاندىقتان، ول وزىنەن 10 جاس كىشى قىزبەن وتاستى. ماعان «دومالاق انا بارلىعىنا كومەكتەسەدى. سەن دە سول كىسىنىڭ ارەكەتىن قايتالاپ، ماعان باسقا قىزعا ۇيلەنۋگە رۇقسات بەر» دەدى. ويلانا كەلە بىرەۋدىڭ باعىن بايلاماۋدى ءجون كوردىم. ۇرپاعىن كوبەيتىپ، كىشكەنتايلى بولعىسى كەلگەن شىعار. ەكەۋىمىزگە بوپە بەرمەگەن سوڭ ەر ازامات قوي دەپ باتامدى بەردىم. وتىرىك ايتپاعانىمدى اسپاندا قۇداي كورىپ تۇر عوي.
وسىلايشا مەنەن قاراعاندا جاستاۋ قىزعا ۇيلەندى. (كۇلدى.) ءبىراق ادام بالاسىنىڭ كوڭىلى ەش ۋاقىتتا قارتايمايدى. ۇيلەنىپ، ءۇبىرلى-ءشۇبىرلى بولسىن. باسقا بىرەۋدەن كىشكەنتايلى بولعىسى كەلگەن ادامدى مەن قالاي بايلاپ ۇستايمىن؟! شىندىعىندا ءبىر-بىرىمىزگە تۇسىنىستىكپەن قارادىق. ارينە، جۇرەگىم اۋىردى. جاقسى دا، جامان دا بولسا دا، 10 جىل بىرگە تۇردىق. باقىتتى بول، اينالايىن»، - دەيدى ءانشى.
ءدال قازىر شاحيزادا بىرنەشە بولمەلى پاتەرىندە جالعىز ءوزى تۇرىپ جاتىر. ءۇيىن قىمبات ماتەريالدارمەن ارلەپ قانا قويماي، ارنايى جاتتىعاتىن قۇرىلعىلار دا العان. مۇنىمەن قاتار، ماسساج جاسايتىن ارنايى توسەگى دە بار. ول ۇيىنە دوستارىنىڭ ءجيى كەلەتىندىگىن ايتادى.
ءانشىنىڭ ءبىر ۇلى بار. جۋىردا ءوزى اجە اتانعان بولاتىن.
دايىنداعان: قارلىعا بۇيەنباي