قازاقستاندىقتارعا زاڭ بويىنشا تەگىن 10 سوتىق جەر تاراتىلماقشى
بۇل تۋرالى 31 ارنا حابارلايدى.
اناتولي ساپۋن بار ءومىرىن كوپقاباتتى كونە ۇيدە وتكىزىپ كەلەدى. ون جىل بۇرىن ازاماتتارعا تەگىن جەر بەرىلەدى دەگەندى ەستىپ قۇجات تاپسىرعان. ءسويتىپ، ءار جىل سايىن جاقسى جاڭالىقتان ءۇمىت كۇتكەن.
«2006 -جىلى الايىن دەپ شەشتىم. كەرەكتى قۇجاتتاردى وتكىزسەڭ تەگىن جەر تەلىمدەرىن ۇلەستىرەتىن باعدارلاما بار ەدى. ءبىراق، جەر دە، ەشتەڭە دە بەرىلمەدى. ءالى وسى كونە ۇيدە تۇرىپ كەلەمىز»، - دەيدى اناتولي.
جالعىز اناتولي ەمەس، تەگىن جەردەن دامەلى بولعانداردىڭ قاراسى كوپ. ەڭ ۇزاق كەزەك كۇتكەن وڭتۇستىك قازاقستان، اقتوبە، الماتى وبلىستارىنىڭ تۇرعىندارى ەكەن. پاۆلودار وبلىسى، وسى ۋاقىتقا دەيىن بار بولعانى 69 جەر تەلىمىن عانا بەرگەن.
«2005 -جىلدان بەرى ايماقتا 5 مىڭعا جۋىق جەر تەلىمى بەرىلدى. قازىرگى تاڭدا ارنايى ەسەپتە 22 مىڭ ءوتىنىش تۇر»، - دەيدى پاۆلودار وبلىستىق جەر قاتىناستارى باسقارماسىنىڭ وكىلى رايحان ەلەۋسىزوۆا.
زاڭ بويىنشا جەر سۋ مەن جارىعى بار مەكەندەردە عانا بەرىلەدى. وسىلايشا 10 سوتىق جەردى بەرۋ ماسەلەسىنىڭ ۇزاققا سوزىلۋىن ەلدى- مەكەندەردىڭ دايىن جوسپارلارى بولماۋىمەن تۇسىندىرەدى. ونسىز كەز-كەلگەن اۋماققا سۋ مەن جارىق اپارۋعا بولمايدى. ال جىل سوڭىنا دەيىن جەر تەلىمدەرى ەل تۇرعىندارى ءۇشىن ەلىمىزدىڭ 7 ايماعىنان قاراستىرىلماق. ولار - الماتى، باتىس قازاقستان، اقتوبە وبلىستارى. ال قالعان ايماقتارعا كۇتە تۇرۋعا تۋرا كەلەدى.
جەر تەلىمدەرىنىڭ وتە باياۋ بەرىلگەنىنە قاراماستان قازاقستاندىقتار جەكە جەر تەلىمدەرىن الۋعا دەگەن قۇلشىنىستارىن توقتاتار ەمەس. كەزەككە تۇرىپ، قۇجات تاپسىرۋ جەرگىلىكتى جەرلەردەگى حالىققا قىزمەت كورسەتۋ ورتالىقتارى ارقىلى جۇزەگە اسىرىلادى. بۇل ءۇشىن ءوتىنىشتى تولتىرىپ، جەكە كۋالىكتىڭ كوشىرمەسىن جاساتىپ جانە باسقا جەر تەلىمىم جوق دەگەن انىقتامانى الىپ كەلۋ كەرەك.
رەسپۋبليكادا ارنايى ەسەپ 2005 -جىلدان باستاپ جۇرگىزىلىپ كەلەدى. ۇلتتىق ەكونوميكا مينيسترلىگىنىڭ مالىمەتىنشە وسى ۋاقىتتا 400 مىڭنان استام ادام جەكە جەر تەلىمىنە يە بولعان. ءۇيدىڭ قۇرىلىسى ءۇشىن ءۇش جىل ۋاقىت بەرىلەدى. وسى ۋاقىت ىشىندە ولار جەر تەلىمىن پايدالانباسا، جەر مەملەكەتكە قايتارىلادى.