قازاقستاندىقتارعا بيىل قاي وڭىرلەردە 10 سوتىق جەردى تەگىن الۋعا بولاتىنى انىقتالدى
Tengrinews.kz ءتىلشىسىنىڭ رەسمي ساۋالىنا بەرگەن جاۋابىندا ۆەدومستۆو وكىلدەرى قازىرگى ۋاقىتتا تەگىن جەر الۋ كەزەگىندە 1 ميلليون 129 مىڭ قازاقستاندىقتىڭ تۇرعانىن حابارلادى.
تىزىمدە الماتىلىقتار كوپ ەكەن - 112546، استانادا - 101234، اقتوبە وبلىسى - 129445، الماتى وبلىسى - 84540، اقمولا وبلىسى - 100832، و ق و - 139807.
مينيسترلىكتەگىلەر قازاقستان ازاماتتارىنىڭ 10 سوتىق جەردى تەگىن الۋعا قۇقى بار ەكەنىن ەسكە سالدى. الايدا جەرگىلىكتى اتقارۋشى ورگاندار كوممۋنيكاتسيا جۇرگىزىلگەن جاعدايدا عانا بەرەدى ەكەن.
ەلىمىزدە بۇل نورما قابىلدانعالى بەرى جەكە تۇرعىن ءۇي قۇرىلىسى جەرلەرىن الۋعا 1547141 ءوتىنىش ءتۇسىپتى. 2005-جىلدان باستاپ قازاقستاندىقتارعا 417949 جەر ۋچاسكەسى بەرىلدى: و ق و - 81190، اقمولا وبلىسى - 40147، الماتى وبلىسى - 59169، ماڭعىستاۋ وبلىسى - 43276. استانا مەن الماتىدا 10 جىل ىشىندە حالىققا 1447 جانە 26444 جەر ۋچاسكەسى بەرىلىپتى.
«جەكە تۇرعىن ءۇي قۇرىلىسىنا بەرىلەتىن تەگىن جەر ۋچاسكەلەرىن الۋ ءۇشىن ازاماتتىڭ باسىندا مەملەكەت تاراپىنان بەرىلگەن جەر ۋچاسكەسى بولماۋى كەرەك»، - دەپ حابارلادى ق ر ۇ ە م وكىلدەرى.
سونىمەن قاتار، بيىل اقتوبە وبلىسىندا 7391 جەر ۋچاسكەسى بەرىلەدى، الماتى وبلىسىندا - 11511، باتىس قازاقستان وبلىسى - 1748، قىزىلوردا وبلىسى، وڭتۇستىك قازاقستان وبلىسى، جامبىل وبلىسى جانە شىعىس قازاقستان وبلىسى. الماتى مەن استانا قالالارىندا، ماڭعىستاۋ، قاراعاندى، سولتۇستىك قازاقستان، اقمولا جانە اتىراۋ وبلىستارىندا جەكە تۇرعىن ءۇي قۇرىلىسىنا جەر بەرۋ جوسپارلانىپ وتىرعان جوق.
ۆەدومستۆونىڭ مالىمەتىنشە، ازاماتتاردىڭ جەر الۋ تۋرالى ءوتىنىشىن جەرگىلىكتى اتقارۋشى ورگان الاڭ مەن تەرريتوريا بوس بولعان جاعدايدا قاناعاتتاندىرادى. «جەكە تۇرعىن ءۇي قۇرىلىسىنا جەر ۋچاسكەلەرى سۋ جانە ەلەكتر جەلىلەرىمەن قامتاماسىز ەتىلگەن جەرلەردە بەرىلەدى. ورتالىقتاندىرىلعان سۋمەن قامتاماسىز ەتىلمەگەن ەلدى مەكەندەردە جەر ۋچاسكەلەرى ەلەكتر جەلىلەرى بار بولعان جاعدايدا عانا بەرىلەدى»، - دەدى ۇلتتىق ەكونوميكا مينيسترلىگىندەگىلەر.