بولات سىزدىقوۆتى الماتى جۇرتشىلىعى 10 -مامىردا سوڭعى ساپارعا شىعارىپ سالادى
قوشتاسۋ ءراسىمى الماتىدا جامبىل اتىنداعى قازاق مەملەكەتتىك فيلورمونياسىندا ساعات 11.00-دە وتەدى.
«قازاق مادەنيەتى مەن ونەرى ورنى تولماس قازاعا ۇشىرادى. 2016 -جىلعى 7 -مامىردا 60 جاسقا قاراعان شاعىندا بەلگىلى مۋزىكانت، كومپوزيتور، ەڭبەك سىڭىرگەن ونەر قايراتكەرى بولات مۇرات ۇلى سىزدىقوۆ دۇنيەدەن وزدى. كورنەكتى ونەر قايراتكەرى تۋىستارىنىڭ، دوستارىنىڭ، ارىپتەستەرىنىڭ جۇرەكتەرىندە ماڭگى ساقتالاتىن بولادى. بولات سىزدىقوۆتىڭ قايتىس بولۋىنا وراي تۋىستارىنا، دوستارىنا، جاقىندارىنا قايعىلارىنا ورتاقتاسىپ، كوڭىل ايتامىز»، - دەلىنگەن ق ر مادەنيەت جانە سپورت مينيسترلىگى باسپا ءسوز قىزمەتىنىڭ حابارلاماسىندا.
بۇدان بۇرىن حابارلانعانداي، بولات سىزدىقوۆ 7 -مامىردا الماتىدا 60 قا قاراعان شاعىندا مەزگىلسىز دۇنيەدەن ءوتتى. ولىمىنە ۇيىعان قاننىڭ جارىلۋى سەبەپ بولعان.
قازاقستاندىقتار Facebook الەۋمەتتىك جەلىسىندەگى ب. سىزدىقوۆتىڭ پاراقشاسىنا جاپپاي كوڭىل بىلدىرۋدە.
2012 -جىلعى 5 -جەلتوقساندا ق ر پرەزيدەنتىنىڭ جارلىعىمەن بولات سىزدىقوۆقا قازاقستاننىڭ ەڭبەك سىڭىرگەن ونەر قايراتكەرى قۇرمەتتى اتاعى بەرىلگەن.