ايزادا اۆلاتاروۆانى ۇرلاعان ادام سۋديادان ءوزىن 10 جىلعا سوتتاۋىن سۇرادى
بۇل تۋرالى Tengrinews.kz تىلشىسىنە سوت پروتسەسسىنە قاتىسقان ادام حابارلادى.
وسىعان دەيىن تاراپتار ايىپتى مويىنداۋ تۋرالى پروتسەسسۋالدىق كەلىسىمگە كەلگەن ەدى. ءبىراق زارداپ شەككەن تاراپ توكاريەۆتىڭ ءوتىنىشىن قابىلداماي، بۇدان اۋىر جازا تاعايىندالۋىن تالاپ ەتتى. وسىلايشا، الماتى وبلىسىنىڭ جامبىل اۋداندىق سوتىندا توكاريەۆكە قاتىستى قىلمىستىق ءىس ءوز مانىندە قاراستىرىلاتىن بولدى.
ايتا كەتەيىك، يگور توكاريەۆكە ايزادا اۆلاتاروۆانى ۇرلاۋمەن قاتار، تاعى دا 16 ەپيزود بويىنشا اۋىر قىلمىستاردى جاسادى دەگەن ايىپ تاعىلىپ وتىر. ولاردىڭ ىشىندە توناۋ، زورلاۋ، ۇرلىق، سەكسۋالدىق ماندەگى زورلىق ارەكەتتەرى جانە الماتى وبلىسىنىڭ تەرريتورياسىندا ادام ۇرلاۋ دەرەكتەرى. وسى باپتار بويىنشا ەڭ اۋىر جازا - باس بوستاندىعىنان 12 جىلعا ايىرۋ.
وسىعان دەيىن توكاريەۆتىڭ ارەكەتىنەن جەتى ادامنىڭ زارداپ شەككەنى دە حابارلاندى، ولاردىڭ تورتەۋى قىزدار. سوت جابىق رەجيمدە ءوتىپ جاتىر.
ەسكە سالا كەتەيىك، ايزادا اۆلاتاروۆا 3 -جەلتوقساندا جوعالىپ كەتكەن بولاتىن. ىلە اۋدانى جەتىگەن اۋىلىنىڭ تۇرعىنى كورشى وتەگەن باتىر اۋىلىنداعى (قىزدىڭ ۇيىنەن 25 شاقىرىمداعى) وقۋىنا بارۋ ءۇشىن تاكسيگە وتىرعان. دەگەنمەن ول ءتيىستى جەرىنە جەتپەدى. قىزدى ىزدەۋگە پوليتسيانىڭ 350 قىزمەتكەرى مەن ەرىكتىلەر قاتىستى. قىز بەن ونى ۇرلاعان ادام بىرنەشە كۇننەن كەيىن الماتى ماڭىنداعى ساياجايدان تابىلدى. يگور توكاريەۆ وسى ۋاقىت بويى قىزدى كۇشتەپ ۇستاپ، قورقىتىپ، اراققا ماس قىلعان.
ال ايزادا اۆلاتاروۆا ءوزىن ۇرلاپ كەتكەن يگور توكاريەۆتىڭ سوتىنا قاتىسپايدى. اۆلاتاروۆا سوتقا ءىستى ءوزىنىڭ قاتىسۋىنسىز قاراۋ تۋرالى ارىز جازدى.