ءۇندىستاندا ءبىر اپتا بۇرىن كوشكىن استىندا قالعان 10 ساربازدىڭ ءبىرى ءتىرى تابىلدى
12:22, 09 - اقپان 2016
استانا. قازاقپارات - 3 - اقپاندا گيمالايدا سياچەن مۇزدىعىندا ورىن العان كوشكىننىڭ استىندا قالعان ءۇندىستاندىق ون ساربازدىڭ بىرەۋى ءتىرى تابىلدى.
بۇل تۋرالى ءۇندىستان قۇرلىق اسكەرى سولتۇستىك قولباسشىلىعىنىڭ رەسمي وكىلى د. س. حۋدا حابارلادى، دەپ مالىمدەدى ت ا س س.
«قۇتقارۋ وپەراتسياسى بارىسىندا 10 ساربازدىڭ ءبىرى عانا ءتىرى تابىلدى»، - دەپ اتاپ ءوتتى ول جانە كوشكىن جۇرگەن كەزدە ساربازدار 5,6 مىڭ مەتر بيىكتىكتە بولعانىن ەسكە الدى.
اسكەر وكىلدەرىنىڭ ايتۋىنشا، سارباز اپتاعا جۋىق 7,62 مەتر قار استىندا جاتقان. «ول اۋىر جاعدايدا نيۋ- دەليدەگى اسكەري گوسپيتالعا جەتكىزىلدى»، - دەپ قوستى حۋدا.
1984 -جىلدان بەرى سياچەن مۇزدىعىندا 8 مىڭ سارباز قازا تاپقان، نەگىزىنەن بارلىعى تابيعي اپات سالدارىنان ورىن العان.