ا ق ش-تا اتىس بولىپ، 10 ادام جارالاندى
11:43, 23 - قاراشا 2015
استانا. قازاقپارات - جەكسەنبى كۇنى جاڭا ورلەاندا (لۋيزيان شتاتى) اتىس بولدى. كەمىندە 10 ادام جاراقات الىپ، اۋرۋحاناعا جەتكىزىلدى.
بۇل اقپاراتتى قالالىق پوليتسيا راستادى.
وقيعا قالالىق ساياباقتا 19:00 دەر شاماسىندا ورىن العان، - دەپ حابارلادى جاڭا ورلەان قۇقىق قورعاۋ ورگاندارىنىڭ رەسمي وكىلى تايلەر گەمبل. ونىڭ ايتۋىنشا، جەدەل جەتكەن نارياد دۇرلىگىپ شۋلاعان حالىقتىڭ اراسىنان ارەڭ وتكەن. اتىسقا دەيىن جينالعان حالىقتىڭ ءبىر بولىگى قىدىرىپ جۇرسە، كەيبىرى 26- قاراشا العىس كۇنىنىڭ الدىندا شەرۋگە شىعىپ، ونى بەينەكامەراعا ءتۇسىرىپ جۇرگەن.
پوليتسيا قانشا ادام اۋىر جاراقات العاندىعىنان حابارسىز.
كۋاگەرلەر اتىستىڭ كريمينالدىق استارى بارىن راستاۋدا، دەپ حابارلادى ت ا س س.