اۋە كەمەسى جۇما كۇنى جوعالعان-دى. بۇل تۋرالى اۋە كەمەسىمەن بايلانىس ۇزىلگەن اۋماق وڭتۇستىك سۋلاۆەسي پروۆينتسياسىنىڭ بيلىگى حابارلاپ وتىر.
ىزدەۋ وپەراتسياسىنا 100 دەن استام قۇتقارۋشى قاتىسىپ، ءتورت ۇشاق جۇمىلدىرىلعان، دەپ حابارلايدى ت ا س س. بۇعان دەيىن ۇشاقتى ىزدەۋ جۇمىستارى قاراڭعى تۇسكەن سوڭ توقتاتىلدى.
يندونەزيا كولىك مينيسترلىگىنىڭ مالىمەتتەرىنشە، ВТС DHC-6 Twin Otter تۋربوۆينتتىك ۇشاعىمەن بايلانىس ماسامبا-ماكاسسار رەيسى كەزىندە جوعالعان. بۇل ەكى ەلدى مەكەن وڭتۇستىك سۋلاۆەسي پروۆينتسياسىنىڭ اۋماعىندا ورنالاسقان.
اۋە كەمەسىمەن بايلانىس ونىڭ ماكاسسار قالاسىنا قونۋىنا دەيىن جارتى ساعات قالعاندا جوعالىپ كەتكەن. بۇل رەتتە سۋلاۆەسي ارالىنداعى اۋا رايى قولايلى بولعان.
جەكەمەنشىك ۇشاقتىڭ بورتىندا 10 ادام - ەكيپاجدىڭ ءۇش مۇشەسى مەن جەتى جولاۋشى بولعان، سونىڭ ىشىندە ۇشەۋى - بالالار. ولاردىڭ بارلىعى - يندونەزيا ازاماتتارى، شاعىن ۇشاقتى ۇشىپ ءوتۋ ءۇشىن جالعا العان ەكى وتباسىنىڭ مۇشەلەرى.