ەلوردادا 10 مەملەكەتتەن كەلگەن بىلەكتى جىگىتتەر تەڭگە ءىلىپ، اساۋ ۇيرەتتى- فوتو

 استانا. قازاقپارات - كەشە استانا قالاسىندا «نۇر وتان» پارتياسىنىڭ قولداۋىمەن ق ر ۇلتتىق سپورت تۇرلەرى قاۋىمداستىعى قازاقستان حالقى اسسامبلەياسىنىڭ جىلى اياسىندا ق ر كونستيتۋتسياسىنىڭ 20  جىلدىعىنا وراي «تەڭگە ىلۋدەن» 1 - اشىق ازيا چەمپيوناتى جانە «اساۋ ۇيرەتۋدەن» رەسپۋبليكالىق ءتۋرنيرى ءوتتى.

باس دەمەۋشى - «سامۇرىق- قازىنا» ۇلتتىق ءال- اۋقات قورى، دەپ حابارلادى «نۇر وتان» پارتياسىنىڭ باسپا ءسوز قىزمەتىنەن.

اۋقىمدى شاراعا قىتاي، موڭعوليا، وزبەكستان، تاجىكستان، رەسەي، قىرعىزستان، تۇركيا، ۆەنگريا، ازەربايجان رەسپۋبليكالارىنىڭ سپورتشىلارى قاتىستى.

 «تەڭگە ءىلۋ» 1- اشىق ازيا چەمپيوناتىنىڭ جەڭىمپازدارى انىقتالدى. 1 - ورىن - عالىمجان ءىزجانوۆ (قازاقستان)، II ورىننىڭ يەگەرى - ءاليحان باشەمبايەۆ (قازاقستان) ، III ورىن حۋاتحان اۆدال (موڭعوليا)، ال IV ورىن تۇركيا سپورتشىسى كيزيلگوز ادەنگە بۇيىردى.

«اساۋ ۇيرەتۋ» رەسپۋبليكالىق تۋرنيرى جۇلدەنىڭ يەگەرلەرى كەلەسى سپورتشىلار - جەڭىسبەك ماناحاي ۇلى (وڭتۇستىك قازاقستان وبىلىسى)، جەڭىسبەك سەرىك ۇلى (موڭعوليا)، ايبەك كەڭشىلىك (شىعىس قازاقستان).