قوس عاشىق 10 جىل بويى ارمانداعان ءۇيىن تۇرعىزدى - فوتو
تابيعات انانىڭ قۇشاعىندا بولعاندى جاندارى قالايدى. ەكەۋىنىڭ بۇل سۇيىكتى ءىسى تاڭعاجايىپ يدەياعا ۇيىتقى بولدى. ءبىر كۇنى ۋەين مەن كەترين قالا ءومىرىنىڭ بارلىق ماشاقاتىنان بەزىپ، ءوز بەتتەرىنشە ءومىر سۇرۋگە بەل بۋادى.
قوس عاشىق ءومىر بويى ارمانداعان ءۇيىن تۇرعىزۋمەن اينالىسقىسى كەلەدى. ول ءۇشىن ەكەۋىنە باقانداي ون جىل قاجەت بولعان. ولار جاي عانا ءۇي ەمەس، سۋ بەتىندە قالقىپ تۇراتىن جاساندى ارال جاسايدى. جاساندى ارال بريتانيا كولۋمبياسىندا ۆانكۋۆەر ارالىنىڭ جاعاسىندا ورنالاسقان. ارال «ەركىندىك ايلاعى» دەپ اتالادى.
شاعىن ارال بارلىق كەلۋشىنى ءوزىنىڭ تاماشا ۇيلەسىمدىلىگىمەن تاڭعالدىرادى. ەركىندىك ايلاعى 12 قالعىمالى پلاتفورمادان جاسالعان. مۇندا ءبي الاڭى، كوركەمونەر گالەرەياسى، شامشىراق، ۋەين ادامستىڭ شىعارماشىلىق ستۋدياسى جانە 5 جىلىجاي بار.
كەترين: «ءبىز تابيعاتپەن ۇيلەسىمدە ءومىر ءسۇرۋدى تاڭدادىق. ول ءۇشىن ءار كۇن سايىن ءوز قاعيدامىزدان باس تارتپاۋ جولىندا بارلىعىن ىستەپ جاتىرمىز»، - دەيدى. 66 جاستاعى ۋەين ادامس پەن 59 جاستاعى كەترين كينگ ومىرلەرىن ءوز قالاۋىنشا وتكىزىپ جاتىر. كەي كەزدەرى تۋريستەر دە ات باسىن بۇرىپ تۇرادى. ۋەين مەن كەترين بولسا كەز كەلگەن قوناعىن قۇشاق جايا قارسى الادى.
1991-جىل
1992-جىل
1998-جىل
2015-جىل
ءسىز ومىرىڭىزدە كەترين مەن ۋەين سەكىلدى ادامداردى كەزدەستىردىڭىز بە؟ ولاردىڭ بۇل ءىسى تۋرالى نە ويلايسىز؟ ءسىز وسىنداي باتىلدىققا بارا الاتىن با ەدىڭىز؟
massaget.kz