وڭتۇستىك قازاقستان پروكۋراتۋراسى «تۇرمەگە وتىرۋشىلار» سانىن ازايتۋدىڭ 10 شاراسى» بويىنشا ەسەپ بەردى
08:48, 26 - شىلدە 2015
شىمكەنت. قازاقپارات - و ق و پروكۋراتۋراسى «بىتىمگەرشىلىك- پريميرەنيە» باعدارلاماسى جانە «تۇرمەگە وتىرۋشىلار» سانىن ازايتۋدىڭ 10 شاراسىن» ىسكە اسىرۋ اياسىندا تۇراقتى نەگىزدە ءتۇسىندىرۋ جۇمىستارىن جۇرگىزىپ كەلەدى.
قازاقستاننىڭ «تۇرمە يندەكسى» اياسىندا 50 مەملەكەتتىڭ قاتارىنان شىعۋ ماقساتىندا پروكۋرورلار باس بوستاندىعىنان ايىرۋعا بايلانىستى جازالار تاعايىنداۋعا ەلەۋلى نازار اۋدارۋدا.
وقو پروكۋراتۋراسىندا 2015 -جىلعى 1- جارتىجىلدىق جۇمىسىنىڭ قورىتىندىسى بويىنشا وتكەن القا وتىرىسىنىڭ بارىسىندا قىزمەتتىڭ نەگىزگى باعىتتارىنىڭ ءبىرى ەكونوميكالىق جانە سىبايلاس جەمقورلىق قىلمىسقا ايىپپۇل تۇرىندە جازا قولدانۋدى قامتاماسىز ەتۋ بولدى.
مىسالى، وسى جىلعى 6 ايدا 30 سوتتالۋشىعا 239,1 ميلليون تەڭگە ايىپپۇل سالىندى، ونىڭ 45 ميلليون ءوندىرىلدى. 189 قىلمىستىق ءىس بويىنشا 14 ميلليون تەڭگەنىڭ 3 ميلليون تەڭگەسى ءوندىرىلدى.