قىزىلوردادا بالالاردىڭ تاماعىن تالان-تاراجعا تۇسىرگەن 10 كاسىپكەر ۇستالدى
قىزىلوردادا تۇرمىسى تومەن وتباسىلاردان شىققان بالالار مەن 1- جانە 2-سىنىپ وقۋشىلارىن ىستىق تاماقپەن قامتۋى ءتيىس كاسىپكەرلەردەن قالالىق ءبىلىم ءبولىمىنىڭ باس ەسەپشىسى مەن ونىڭ قاراماعىنداعى ەسەپشى ۇزاق مەرزىم بويى پارا الىپ كەلگەن.
مەملەكەتتىك ساتىپ الۋدان جەڭىمپاز بولىپ تانىلعان كاسىپكەرلەر اۋدارىلعان تاپسىرىس قارجىسىنىڭ -15 ىن جۇيەلى تۇردە ەسەپشىلەرگە تابىستاپ وتىرعان. بۇل دەرەك سايكەسىنشە قالاداعى ورتا مەكتەپتەردى ازىق- تۇلىكپەن قامتۋ ساپاسىنا ايتارلىقتاي اسەر ەتكەن. مەملەكەتتىڭ باستاۋىش سىنىپ وقۋشىلارىنا بولگەن قارجىسىن بالالاردىڭ اۋزىنان جىرىپ جەپ، ءوز قالتاسىنا باسقان ەسەپشىلەر قازىر قىلمىستىق جاۋاپقا تارتىلىپ جاتىر.
رۋسلان ياگمۋسوۆ، سوتقا دەيىنگى تەرگەۋ باسقارماسى باسشىسىنىڭ ورىنباسارى:
- پارا الۋشىلارعا كومەكتەسىپ، ءوز تاراپىنان، ءوز باستاماشىلدىعىمەن پارا بەرۋ دەرەكتەرى انىقتالىپ، 10 كاسىپكەر ۇستالدى. ولار بۇگىنگى تاڭدا قىلمىستىق ءىس بويىنشا جاۋاپقا تارتىلىپ، ءىستى قازىر سوتقا جولداۋ جوسپارلانۋدا.
www.24.kz