قازاق حاندىعى تۋرالى حيكايانىڭ 10 سەرياسى قىسقارتىلدى
بۇل تۋرالى ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.
«قازىر قوعام اراسىندا قازاق حاندىعى تۋرالى حيكايا جايىندا قىزۋ تالقىلانۋدا. بۇل تۇسىنىكتە دە، سەبەبى مۇنداي اۋقىمداعى تەلەجوبا العاش رەت قولعا الىنۋدا. بىز نەگە ونى 20 سەريالدان 10 سەريالعا دەيىن قىسقارتتىق؟! ويتكەنى قازىر ءبىز قازاق حاندىعى كەزەڭىن عانا تۇسىرمەكپىز. ول شامامەن 10-12 سەريال عانا. وندا جانىبەك پەن كەرەي حاندىعىنان كەنەسارى حانعا دەيىنگى كەزەڭدى قامتيدى. الدىندا ءبىز مەملەكەتتىڭ قالىپتاسۋىنان بۇگىنگى ۋاقىتقا دەيىنگى كەزەڭدى قامتىعىمىز كەلگەن»، - دەيدى ول.
ونىڭ ايتۋىنشا، باس رەجيسسەر مەن سەناريستەر قازاقستاندىقتار.
«شەتەلدىك مامانداردى ءبىز كومەكشى-كەڭەسشى رەتىندە شاقىرتامىز. سەناريدى تانىمال جازۋشىلار سماعۇل ەلۋباي مەن تيمۋر جاقسىلىقوۆ جازۋدا. رەجيسسەر رەتىندە رۇستەم ابدىراشيەۆ قاراستىرىلۋدا. اقان ساتايەۆ تا اتالمىش جوباعا اتسالىسۋى ىقتيمال»، - دەپ اتاپ ءوتتى مينيستر.
ا. مۇحامەدي ۇلىنىڭ سوزىنە قاراعاندا، اكتەرلىك قۇرام دا وتاندىق اكتەرلەردەن قۇرالماق.
اۆتور: جاسۇلان جولدىبايەۆ