ا ق ش- تا يت يەسىنە ەمەننىڭ تۇبىنەن 10 ميلليون دوللاردىڭ قازىناسىن تاۋىپ بەردى - فوتو
15:03, 11 - قاڭتار 2015
استانا. قازاقپارات - سولتۇستىك كاليفورنيادا (ا ق ش) ەرلى- زايىپتى يتىمەن سەرۋەندەپ ءجۇرىپ، مول بايلىققا كەنەلدى، دەپ جازادى «ميللياردەر» جۋرنالى.
ەرلى- زايىپتىلار ءيتىنىڭ كارى ەمەن ءتۇبىن قازا باستاعانىن كورىپ، جاقىندايدى. يت تىنباستان قازىپ، 1427 دانا التىن تيىندار سالىنعان ىدىستى تابادى.
«بۇل - شامامەن 10 ميلليون دوللار كولەمىندەگى بايلىق. بارلىق تيىندار جاقسى ساقتالعان، وندا 1847-1894 -جىلدار دەپ كورسەتىلگەن»، دەپ جازادى باسىلىم.
دەرەككوزدىڭ جازۋىنشا، تابىلعان التىن تيىندار ءتىپتى، اينالىمعا تۇسپەگەن، بانكتەن جاڭا ساتىپ الىنعان كۇيىندە جاسىرىلعان سەكىلدى. تيىنداردىڭ ءتۇپنۇسقا ەكەنىن «Professional Coin Grading Service» ماماندارى راستادى.
ءار مونەتانىڭ قۇنى شامامەن 27000 دوللاردى قۇرايدى. باعاسى 1 ميلليونعا دەيىن جەتەتىن سيرەك دانالارى دا كەزدەسەدى.
قازىناعا قارىق بولعان جۇپ ەسىمدەرىن قۇپيا ۇستاۋدى ءجون كوردى. ولار مونەتانى Amazon سايتى ارقىلى ساتىلىمعا شىعارماق نيەتتە.