ءۇ ي ي د باعدارلاماسىن جۇزەگە اسىرۋ ءۇشىن كادرلاردى دايارلاۋعا 10 ميلليارد تەڭگە ءبولىندى
بۇل تۋرالى ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر ءبىلىم جانە عىلىم ۆيتسە-ءمينيسترى تاكير بالىقبايەۆ ءمالىم ەتتى.
«ەلباسىنىڭ قازاقستان حالقىنا «نۇرلى جول - بولاشاققا باستار جول» اتتى جولداۋىندا ءۇ ي ي د م ب ءۇشىن كادرلاردى دايارلاۋ ماقساتى قويىلدى. بۇگىندە الداعى 3 -جىلعا 10 جوعارى وقۋ ورنىنا 10 ميلليارد تەڭگە قارجى ءبولىندى»، - دەدى ت. بالىقبايەۆ.
10 وعارى وقۋ ورنىنا توقتالاتىن بولساق، ءبىز جولداۋ جاريالانعاننان كەيىن قازىر ءارتۇرلى باعىتتاعى 12 جوعارى وقۋ ورنىن تاڭداپ الدىق جانە ولار ارنايى دايىندىق جۇمىستارىن جۇرگىزىپ جاتى، - دەدى ءمينيستردىڭ ورىنباسارى.
ونىڭ سوزىنە قاراعاندا، بۇل ج و و- لاردىڭ اراسىندا نازاربايەۆ ۋنيۆەرسيتەتى، قازۇۋ، قازاق ۇلتتىق اگرارلىق ۋنيۆەرسيتەتى، قازاق ۇلتتىق تەحنيكالىق ۋنيۆەرسيتەتى، ەۋرازيا ۇلتتىق ۋنيۆەرسيتەتى، قازاق اگرو-تەحنيكالىق ۋنيۆەرسيتەتى، قوستاناي مەملەكەتتىك ۋنيۆەرسيتەتى، پاۆلودار مەملەكەتتىك ۋنيۆەرسيتەتى، ش ق و تەحنيكالىق ۋنيۆەرسيتەتى، و ق و تەحنيكالىق ۋنيۆەرسيتەتى، قاراعاندى مەملەكەتتىك تەحنيكالىق ۋنيۆەرسيتەتى، سونداي-اق اتىراۋ مۇناي جانە گاز ينستيتۋتى قامتىلعان.
«بۇل جوعارى وقۋ ورىندارىنىڭ بارلىعى قازىرگى كەزدە دامۋ باعدارلامالارىن دايارلاۋدا جانە وزدەرىنىڭ ۇسىنىستارىن ازىرلەۋدە. سودان كەيىن الداعى اپتادا ولاردىڭ باعدارلامالارىن تىڭداپ، سونىڭ اراسىنان 10نىن ىرىكتەپ، ۇكىمەتكە ۇسىنامىز. وسى 10 ج و و بەكىتىلىپ، بۇل باعىتتا جۇمىس ىستەيتىن بولادى. تاڭدالىپ الىنعان جوعارى وقۋ ورىندارى يندۋستريانىڭ بارلىق باعىتتارىن قامتىپ وتىر»، - دەدى ت. بالىقبايەۆ.
بۇدان بۇرىن حابارلانعانداي، قازاقستاندا ءۇ ي ي د م ب ماماندارىن 10 ج و و دايىندايتىن بولادى. الداعى 5 جىل كولەمىندە ەلىمىزدەگى جوعارى وقۋ ورىندارى ۇدەمەلى يندۋستريالىق-يننوۆاتسيالىق دامۋ باعدارلاماسىنا وزىندىك ۇلەسىن قوسپاقشى. ت. بالىقبايەۆتىڭ ايتۋىنشا، وسى ماقساتتا قاجەتتى قارجى ءبولىنىپ، جاڭا ءبىلىم بەرۋ باعدارلامالارى جاسالىپ، سونداي-اق ماتەريالدىق بازا كۇشەيتىلىپ، پروفەسسورلىق- وقىتۋشىلىق قۇرام كەڭەيتىلەتىن بولادى.
اۆتور: رۋسلان عابباسوۆ