قازاقستان دارىگەر ماماندارمەن قامتاماسىز ەتۋ جاعىنان الەمدە 10- ورىندى الادى
جيىن بارىسىندا «سالاماتتى قازاقستان» مەملەكەتتىك باعدارلاماسىن ىسكە اسىرۋدىڭ الدىن الا قورىتىندىلارى تىڭدالدى. اعىمداعى جىلدان باستاپ ءبىرىڭعاي ۇلتتىق دەنساۋلىق ساقتاۋ جۇيەسىنىڭ ۇيىمدى ەركىن تاڭداۋ، باسەكەلەستىك، ناتيجەگە قاراي اقى تولەۋ، «اقشا ناۋقاسپەن بىرگە جۇرەدى» سياقتى قاعيدالارى ەمحانا دەڭگەيىندە ەنگىزىلۋدە.
«ساپالى مەديسينالىق كومەك - ەڭ الدىمەن مەديتسينالىق كادرلاردىڭ جوعارى كاسىبي بىلىكتىلىگى. مامانداردى وقىتۋ باعدارلامالارى يكەمدى فورماتقا (مودۋلدىك، قاشىقتىقتان، جۇمىس ورىندارىندا) اۋىستىرىلدى. جىل سايىن ەلىمىزدىڭ جەتەكشى عىلىمي ورتالىقتارى مەن ج و و- دا 30 مىڭداي مامان بىلىكتىلىگىن ارتتىرادى. شەبەرلىك ساباقتارىنا 17 ەلدىڭ ماماندارى تارتىلدى. 3 جىلدا 600 دەن استام مامان الەمنىڭ ۇزدىك كلينيكالارىنا جىبەرىلدى. الەمدىك تاجىريبەگە سايكەس مامانداردىڭ بىلىمدەرى مەن ماشىقتارىن تاۋەلسىز باعالايتىن ورتالىقتار قۇرىلدى»، - دەلىنگەن ۆەدومسۆتونىڭ باسپا ءسوز قىزمەتى تاراتقان مالىمەتتە.
بەلگىلى بولعانداي، قازاقستان دارىگەر ماماندارمەن قامتاماسىز ەتۋ جاعىنان الەمدە 10- ورىندى الادى. جالپى، رەسپۋبليكادا ماماندار تاپشىلىعى 10 پايىزعا، ونىڭ ىشىندە اۋىلدىق جەرلەردە 28 پايىزعا تومەندەدى.
تەگىن بەرىلەتىن دارىلىك قۇرالدار ءتىزىمى وڭتايلاندىرىلدى. 2013 - جىلدان باستاپ بۇكىل رەسپۋبليكا بويىنشا دارىلىك قامتاماسىز ەتۋدىڭ اۆتوماتتاندىرىلعان اقپاراتتىق جۇيەسى ەنگىزىلدى. 3 مىڭنان استام ەلدى مەكەندە مەديتسينالىق- سانيتاريالىق العاشقى كومەك نىساندارى ارقىلى اۋىل تۇرعىندارىنا دارىلەر جەتكىزۋ ۇيىمداستىرىلدى. تەگىن مەديتسينالىق كومەكتىڭ كەپىلدەندىرىلگەن كولەمى شەڭبەرىندە ءدارى- دارمەككە باعانى قالىپتاستىرۋ ءتارتىبى بەكىتىلدى.
اۆتور: رۋسلان عابباسوۆ