ق ر پرەزيدەنتى: الداعى ۋاقىتتا قازاقستان پارسى شىعاناعى ەلدەرىنە 10 ميلليون تونناعا جۋىق استىق جونەلتۋگە نيەتتى
«وتكەن جىلى قازاقستان يرانعا ءبىر ميلليون توننادان استام ازىقتىق استىق جەتكىزدى. ال پارسى شىعاناعى ەلدەرىنىڭ سۇرانىسى 9-10 ميلليون توننا جانە ءبىز ءدال وسىنداي كولەمدە جىبەرمەكپىز» ، دەدى ەلباسى.
ق ر پرەزيدەنتى ءوز سوزىندە قازاقستان مەتالل، مينەرالدى تىڭايتقىشتار جانە باسقا دا ونىمدەر وندىرەتىن باسا اتاپ ءوتتى. سونىمەن قاتار ەلىمىزدىڭ يران مەن تۇركىمەنستاننان دا تاۋار ساتىپ الاتىندىعىن ەسكە سالدى.
«ءبىز، پرەزيدەنتتەر وسى وقيعانى عانا اتاپ وتكەن جوقپىز. ءبىر- بىرىمىزبەن ەكىجاقتى جانە ءۇش جاقتى فورماتتا كەلىسسوزدەر وتكىزدىك. وسى ۇشتىكتىڭ ودان ارعى مىندەتىن ايقىندايتىن جۇمىس توبىن قۇرۋعا ۋاعدالاستىق. بۇل - ءبىرىنشى. ەكىنشىدەن، تۇركىمەنستان پرەزيدەنتىنىڭ ۇسىنىسى بويىنشا كولىكتىك لوگيستيكالىق ءوزارا ءىس- قيمىل ماسەلەلەرى زەردەلەنەدى» ، - دەدى ن. نازاربايەۆ.
اۆتور: مارلان جيەمباي