اتىراۋدا 10 قىتاي ازاماتى ۇستالدى - فوتو
15:59, 16 - شىلدە 2014
اتىراۋ. قازاقپارات - اتىراۋ وبلىسىندا سوت قىتاي حالىق رەسپۋبليكاسىنىڭ 10 ازاماتىن قاماۋعا الۋعا سانكتسيا بەردى.
«ق ح ر ازاماتتارى اتىراۋ وبلىسى يساتاي اۋدانى نارىن اۋىلىندا ميگراتسيالىق پوليتسيانىڭ تەكسەرۋ ءىس-شارالارى كەزىندە ۇستالدى.
ۇستالعاندار - مىڭتەكە كەن ورنىندا بارلاۋ، بۇرعىلۋ جۇمىستارىن جۇرگىزىپ جاتقان «سينوپەك» مۇناي كومپانياسىنىڭ بۇرعىلاۋشىلارى. تەكسەرۋ كەزىندە قىتايلىقتاردىڭ اقتوبەدە وبلىسىندا تىركەلگەندىگى انىقتالعان. ولار باسقا ايماقتا جۇمىس جاساۋ ءۇشىن قۇزىرلى ورگاننان رۇقسات الماعان»، - دەدى وبلىستىق ىشكى ىستەر دەپارتامەنتى باسپا ءسوز قىزمەتىنىڭ جەتەكشىسى گۇلنازيرا مۋحتاروۆا.
قازىرگى ۋاقىتتا ميگراتسيا ءتارتىبىن ورەسكەل بۇزعان قىتاي ازاماتتارىن عانا ەمەس، ولاردى جۇمىسقا تارتقان كومپانياعا دا جازا قولدانۋ ماسەلەسى قاراستىرىلىپ جاتىر.