قازاقستان مەشىتى الەمنىڭ 10 تاڭعاجايىپ مەشىتىنىڭ قاتارىنا ەندى - فوتو
1. ءماشھۇر ءجۇسىپ مەشىتى (قازاقستان) . 8 قىرلى، 48×48 مەترلىك مەشىتتىڭ مۇناراسى - 63 مەتر، جارتى اي قويىلعان كۇمبەزىنىڭ بيىكتىگى - 54 مەتر. كۇمبەز ءتۇسى - اسپان تۇستەس، شاڭىراق فورماسىن ەسكە سالادى. مەشىتتىڭ ارحيتەكتۋراسى اشىلعان جۇرەكتى كوز الدىڭىزعا كەلتىرەدى. بەينە ءبىر ول جۇرەك بەيبىتشىلىك پەن مەيىرىمگە جول باستاپ تۇرعانداي.
2. ءمولدىر مەشىت (مالايزيا) . 2008 - جىلى 8 - اقپاندا اشىلعان مەشىت. ءبىر مەزگىلدە 1500 ادام ەركىن سياتىن عيبادات ورنى. تەمىر بەتوننان قۇيىلىپ، شىنىمەن قاپتالعان. مەشىت جەتى تۇستەن تۇراتىن وزگەرمەلى كولەڭكە جارىقپەن كومكەرىلگەن.
3. فەيسال مەشىتى (پاكىستان) . بۇل مەشىت ۇلكەندىگىمەن ەرەكشەلەنەدى. 5000 شارشى مەتردى قامتيتىن مەشىتكە ءبىر مەزگىلدە 300000 مۇسىلمان سىيادى.
4. شاكيرين مەشىتى (تۇركيا) . تۇركياداعى ەڭ زاماناۋي مەشىتتەردىڭ ءبىرى.
5. دجەننەن جۇمالىق مەشىتى (مالي) . بالشىقتان جاسالعان ەڭ ۇلكەن عيمارات. نەگىزى 1906 - جىلى قالانعان. ماليداعى باني وزەنىنىڭ ساعاسىندا ورنالاسقان. «ەسكى قالا دجەننەمەن» بىرگە 1988- جىلى يۋنەسكو- نىڭ بۇكىلالەمدىك مۇرالار تىزىمىنە ەنگەن.
6. كۋل شاريف مەشىتى (رەسەي) . تاتارستانداعى كۋل شاريف مەشىتى مەملەكەتتىڭ ەڭ ءبىر ابىرويى اسقاق عيماراتتارى بولىپ سانالادى. مۇناراسىنىڭ كوپتىگىمەن، XVI عاسىردا قازان حاندىعىنىڭ ۇلكەن ورتالىعى بولعان مەشىتتىڭ جاڭارعان، قايتا جاساقتالعان ءتۇرى.
7. پۋترا مەشىتى (مالايزيا) . پۋترا مەشىتى 1997-1999- جىلدارى مالايزيانىڭ جاڭا اكىمشىلىك ورتالىعىنا سالىنعان. پۋترادجايا قالاسىنداعى جاساندى پۋتراياۆا كولىنىڭ جاعالاۋىنا سالىنعان مەشىت مالايزيا پرەمەر- ءمينيسترىنىڭ رەزيدەنتسياسىنىڭ قاسىنا ورنالاستىرىلعان.
8. ۋبۋديي مەشىتى (مالايزيا) . 1917 - جىلى سۇلتان يدريس شاح باسقارىپ تۇرعان كەزەڭدە، ونىڭ بۇيرىعىمەن ادام دەنساۋلىعىنا وڭ اسەر بەرۋ ءۇشىن سالىنعان مەشىت.
9. بايتۋننۋر مەشىتى (كانادا) . احماديا مۇسىلمان قاۋىمداستىعىنىڭ مەشىتى. 3000 ادامعا ارنالعان كااناداداعى ەڭ ۇلكەن مەشىت.
10. سۇلتان ومار الي سايفۋددين مەشىتى (برۋنەي) . برۋنەي استاناسى باندار- سەري- بەگاۆاندا ورنالاسقان كورولدىك مەشىتى. ازيا- تىنىق مۇحيتى ايماعىنداعى ەڭ تاڭعاجايىپ ورىنعا جاتقىزۋعا بولادى.