ەلىمىزدە وسى ۋاقىتتا 10748 ادامعا ىزدەۋ جاريالانعان - باس پروكۋراتۋرا

استانا. قازاقپارات - باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ دەرەكتەرى بويىنشا قازىرگى ۋاقىتتا 10748 ادام ىزدەستىرىلۋدە، ولاردىڭ 2176 حابار- وشارسىز جوعالعاندار، دەپ حابارلايدى قازاقپارات.

جوعالعان ادامداردىڭ كوپ بولىگى:

الماتى قالاسى - 287؛

قاراعاندى وبلىسى-221؛

پاۆلودار وبلىسى-170؛

الماتى وبلىسى - 167 تىركەلگەن.

كوبىنەسە 30 - دان 49 جاس ارالىعىنداعى ەر ادامدار ءارتۇرلى جاعدايلاردا جوعالادى (w) .

ۇيدەن كەتىپ، ورالماعان - 1634 ادام،

اۆتوكولىكپەن جوعالعان – 74،

جۇمىستان كەتكەن-36.

سونداي- اق، ەلدە تەرگەۋ مەن سوتتان جاسىرىنعان 2372 ادام ىزدەستىرىلۋدە.

ىزدەۋدە جۇرگەندەر نەگىزىنەن 31 مەن 40 جاس ارالىعىنداعى ەر ادامدار (89%) .

ولاردىڭ ەڭ كوپ سانى الاياقتىق (510)، ۇرلىق (318) جانە كىسى ءولتىرۋ (146) دەرەگى بويىنشا:

الماتى قالاسىندا (514)

استانا قالاسىندا (185)

شىمكەنت قالاسىندا (155)

الماتى (143)

قاراعاندى (140) وبلىستارىندا ىزدەستىرىلۋدە.

«قازاقستاندا ىزدەستىرۋدى ىشكى ىستەر ورگاندارى، ەكونوميكالىق تەرگەۋ قىزمەتى جانە سىبايلاس جەمقورلىققا قارسى قىزمەت جۇزەگە اسىراتىنىن ەسكە سالامىز»، - دەلىنگەن حابارلامادا.