106 جاستاعى قاريا ۇزاق ءومىر ءسۇرۋىنىڭ سەبەبىن اتادى

استانا. KAZINFORM - عاسىر جاساعان ۇلى بريتانيالىق ايەل ۇزاق ءومىر ءسۇرۋىنىڭ سەبەبىن جالعىزدىق جانە ءازىل-قالجىڭمەن بايلانىستىرىپ وتىر.

مەري سپيرس ءوزىنىڭ كەزەكتى تۋعان كۇنىن قارتتار ۇيىندە اتاپ ءوتتى. بۇل تۋرالى Daily Record باسىلىمى جازدى.

ول 1918 -جىلى تامىزدا مانچەستەردە دۇنيەگە كەلگەن. ەكىنشى دۇنيەجۇزىلىك سوعىس كەزىندە اسكەري اۆياتسيادا قىزمەت ەتكەن ازاماتقا عاشىق بولدى. كوپ ۇزاماي عاشىعى ومىردەن وتەدى. مەري وعان ماڭگىلىك ادال بولۋعا ءوز-وزىنە ۋادە ەتىپ، ەشقاشان تۇرمىسقا شىقپاپتى.

مەري ەكى اپكەسىمەن بىرگە ءومىردىڭ قىزىعى مەن شىجىعىن ءبىر كەشكەن. ءبىر قىزىعى، ولار دا سوعىس كەزىندە عاشىقتارىنان ايىرىلىپ، سودان بەرى جىگىت اتاۋلىدان اۋلاق جۇرگەن.

مەري سپيرس ۇزاق ءومىر ءسۇرۋىنىڭ سەبەبى رەتىندە جالعىزدىق، بايسالدىلىق جانە ازىلگە جاقىن بولۋدى اتاپ ءوتتى.

ەستەرىڭىزگە سالساق، بۇعان دەيىن استانادا جاسى 100-دەن اسقان 21 قاريا تۇراتىنىن جازعان ەدىك.

اۆتور

ورالحان قوجانوۆ