104 جاستاعى چيكاگو تۇرعىنى رەكورد جاڭارتۋ ءۇشىن پاراشيۋتپەن ۇشاقتان سەكىردى. بۇعان دەيىن بۇل رەكورد 103 جاستاعى شۆەتسيالىق كەيۋاناعا تيەسىلى ەدى، دەپ حابارلايدى قازاقپارات ار اگەنتتىگىنە سىلتەم جاساپ.
«ادامنىڭ جاسى - جاي عانا ساندار»، - دەدى دوروتي حوففنەر جەكسەنبى كۇنى پاراشيۋتپەن سەكىرىپ، تابانى جەرگە تيگەن كەزدە.
ول چيكاگودان وڭتۇستىك- باتىسقا قاراي 85 ميل (140 شاقىرىم) قاشىقتىقتا جەرگە قوندى. اجەي 4100 مەتر بيىكتەن سەكىرگەن.
ەڭ كارى پاراشيۋتشى رەتىندە گيننەس رەكوردىن 2022 -جىلدىڭ مامىر ايىندا شۆەتسيالىق 103 جاستاعى ليننيا ينگەگارد لارسسون ورناتقان بولاتىن.
ال قازىر چيكاگوداعى Skydive كومپانياسى گيننەستىڭ رەكوردتار كىتابىنا حوففنەردىڭ ەسىمىن ەنگىزۋگە تالپىنىپ جاتىر.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.