وسىعان وراي، الماتى قالاسى اكىمدىگىنىڭ قولداۋىمەن د. ا. قونايەۆتىڭ ەسكەرتكىشى ورنالاسقان شاعىن ساياباقتا ەسكە الۋ ءراسىمى ءوتتى.
الدىمەن، ەسكەرتكىش الدىنا قۇرمەتتى قاراۋىل قويىلدى. كەيىن، شوقان ءۋاليحانوۆ اتىنداعى №12 كوپ سالالى گيمنازيانىڭ وقۋشىلارى ەسكەرتكىشكە 103 تال گۇل قويدى. ولاردان كەيىن د. قونايەۆتىڭ تۋعان-تۋىستارى، قىزمەتتەس ارىپتەستەرى، قوعام قايراتكەرلەرى، ج و و ستۋدەنتتەرى، مەكتەپ وقۋشىلارى كەزەكپەن گۇل شوقتارىن قويدى.
«مەن ديمەكەڭمەن 25 جىل بىرگە قىزمەتتەس بولدىم. بىرگە كورشى بولدىق. ول ادامگەرشىلىگى وتە زور، ەشقاشان داۋىس كوتەرىپ سويلەمەيتىن كىسى ەدى. ەل- جۇرت ونى كەرەمەت قۇرمەتتەيتىن. ساۋدا ءمينيسترى بولىپ جۇرگەن كەزىمدە الدىنا بارعان سايىن: «ءاي سۇلتان، ەل-جۇرتتىڭ حال- احۋالى قالاي؟ ازىق-تۇلىك بار ما؟ جەتكىلىكتى مە؟» - دەپ سۇراپ وتىراتىن. مەن ول كىسىنى قاتتى سىيلاۋشى ەدىم. كەيىن ديمەكەڭنىڭ قورىن قۇردىم. قازىر سول حالىقارالىق قوردىڭ قۇرمەتتى پرەزيدەنتىمىن» - دەپ ەسىنە الدى مەملەكەت جانە قوعام قايراتكەرى سۇلتان جيەنبايەۆ.
«قازاقتىڭ دانىشپان ۇلدارى كوپ قوي. ءبىراق سولاردىڭ ىشىندە ديمەكەڭنىڭ ورنى بولەك دەر ەدىم. ول كىسىنى كەۋدەسىندەگى ماراپاتتارىنا قاراپ ەمەس، ىستەگەن ىستەرىنە قاراپ باعالاۋ كەرەك. ديمەكەڭ رەسپۋبليكانى شيرەك عاسىر باسقاردى. ونىڭ تۇسىندا ەل ەكونوميكاسى 7,5 ەسەگە ءوستى. سوندىقتان ديمەكەڭنىڭ ەسىمى ەل ەسىندە ماڭگىلىك ساقتالادى»، - دەدى ءوز كەزەگىندە مەملەكەت جانە قوعام قايراتكەرى، ەكونوميكا عىلىمدارىنىڭ دوكتورى سەرىكبولسىن ءابدىلدين.
«ديمەكەڭ ۇلىلىقتى بويىنا سىڭىرگەن، بار سانالى عۇمىرىن حالقىنا، وتانىنا باعىشتاعان ۇلى تۇلعا. «ۇلىق بولساڭ، كىشىك بول» - دەيدى قازاق. ۇلىق بولا ءجۇرىپ، كىشىك بولۋدىڭ ۇلگىسىن كورسەتىپ كەتكەن وسى ديمەكەڭ» ، - دەدى قازاقستاننىڭ حالىق ءارتىسى نۇرعالي ءنۇسىپجانوۆ.
جيىن سوڭىندا وعان قاتىسۋشىلار جاقىن ماڭدا ورنالاسقان دىنمۇحامەد احمەت ۇلى قوناۆتىڭ مۇراجايىن ارالادى.
اۆتور: جاپپاربەرگەن ايبوتا