تۇماۋعا قارسى ەكپە ۇلتتىق ەكپە كۇنتىزبەسىنە كىرمەيدى، ءبىراق جىل سايىن جەرگىلىكتى بيۋدجەتتەن ساتىپ الىنادى. بيىل حالىقتى ۆاكسيناتسيالاۋ ءۇشىن 110 مىڭ دوزا ساتىپ الىندى. ادەتتە، تەگىن ۆاكتسيناتسيا توبىنا مىنا ساناتتاعى ازاماتتار كىرەدى:
- سوزىلمالى اۋرۋلارى بار 18 جاسقا دەيىنگى بالالار؛
- مەديتسينا قىزمەتكەرلەرى؛
- جۇكتى ايەلدەر (جۇكتىلىكتىڭ 2-3 تريمەسترى) ؛
- جابىق ۇلگىدەگى مەكەمەدەگى ادامدار (بالالار ءۇيى، مەكتەپ ينتەرناتى) ؛
- مۇگەدەكتەر، ەرەسەكتەر جانە سوزىلمالى اۋرۋلارى بار بالالار؛
- 60 جاستان اسقان قارتتار.
ەلوردادا تۇماۋعا قارسى ۆاكتسيناتسيا ناۋقانى 10 - قىركۇيەكتە باستالىپ، 15-قازانعا دەيىن سوزىلدى.
«ءداستۇرلى تۇردە ەكپە قازان- قاراشا ايلارىندا جۇرگىزىلەدى. كوروناۆيرۋس ينفەكتسياسى پاندەمياسىنا بايلانىستى ماۋسىمدىق اۋرۋلار كەزەڭىندەگى جاعداي كۇردەلەنە ءتۇسۋى مۇمكىن. بۇعان جول بەرمەۋ ءۇشىن ۆاكسيناتسيانى الدىڭعى جىلدارعا قاراعاندا ەرتەرەك باستاۋ كەرەك بولدى. بۇل ءوز ناتيجەسىن بەردى»، - دەپ اتاپ ءوتتى ب م س ك باسقارماسىنىڭ ءبولىم باسشىسى ءاليا ءومىرزاقوۆا.