بەلگيالىق اعايىندى لانگەروكتار وسىلاي دەپ قالجىڭدايدى.
پيتەر مەن پاۋلۋس ەسىمدى ەگىزدەر بۇگىندە 102 جاستا. قازىر ولار قارتتار ۇيىندە ءبىر بولمەدە تۇرادى. گەنت قالاسىنداعى پانسيوناتقا وسىدان 3 جىل بۇرىن ءۇي شارۋاسىمەن اينالىسۋعا مۇمكىندىكتەرى بولماعان سوڭ كوشكەنىن جاسىرمادى.
سەبەبى، وسى كۇنگە دەيىن ەكەۋى دە ەشقاشان شاڭىراق كوتەرمەگەن. اعايىندى لانگەروكتاردىڭ ايتۋىنشا، قاشان دا ءبىرىنىڭ قالىڭدىعى ەكىنشىسىنە ۇناماي، ۇيلەنبەي جۇرە بەرىپتى. وسى ورايدا عاسىردان اسا ءومىر ءسۇرىپ، كوپتى كورگەن قاريالار جاستارعا بىلاي دەپ اقىل- وسيەتىن ايتتى.
پاۋلۋس لانگەروك، 102 جاستاعى قاريا:
- اقىماقتىق جاساماڭدار. ەڭ باستىسى، مولشەردەن تىس تاعامدانىپ، ىشىمدىككە سالىنۋ سياقتى جامان ادەتتەرگە ءۇيىر بولماڭدار. ودان دا كوپ قىدىرىڭدار. ءبىراق قىز قۋىپ ءجۇرىپ الماڭدار. تەڭدەرىڭدى تاپقان بويدا ۇيلەنىپ، بالا تاربيەلەۋگە اسىعىڭدار.
پيتەر مەن پاۋلۋس جەر جاھانداعى ەڭ ۇزاق جاساعان ەگىزدەر سانالادى. اعايىندىلار الدا تاعى 3 جىل جاساسا، الەمدىك رەكوردتى جاڭارتادى. ازىرگە بۇل جەتىستىك امەريكالىق گلەن مەن دەيل مويەر ەسىمدى ەگىزدەرگە تيەسىلى. ولار 105 جىلدىق عۇمىر كەشكەن بولاتىن.
www.24.kz