ونىڭ سوزىنشە، انالار ءبىر بالا ءۇشىن 20 ە ا ك دەيىن الۋعا ءتيىس دەپ جازادى NUR. KZ.
زاكيەۆا جاڭا كەڭەس بيۋجەت اقشاسىنىڭ بولىنۋىنە جانە تاراتىلۋىنا ۇسىنىمدار بەرەتىنىن مالىمدەدى.
كوپبالالى انالاردىڭ جاردەماقىسىنىڭ كولەمىن دە قاراستىرادى ەكەن.
«ناقتى سومانى ءالى انىقتاعان جوقپىز. بۇل سوما كوپبالالى انالار تەك بالالارىمەن اينالىسۋعا مۇمكىندىك بەرەتىندەي جەتكىلىكتى بولۋ كەرەك دەپ ويلايمىز.
بالالار ۇيىندە جۇمىس ىستەگەن تاجىريبەمدى مىسالعا كەلتىرەيىن. پاتروناتتى اتا-انا بالالارعا قامقور بولعانى ءۇشىن بەلگىلى ءبىر اقشا سوماسى تولەنەدى. ونىڭ دا كولەمى كوپ ەمەس. 10 مەن 20 ا ە ك شاماسىندا. پاتروناتتى وتباسىلاردا ەڭبەك ءوتىلى دە ەسەپكە الىنادى.
وسىلايشا، وتباسى بالالارىن اسىراۋعا شاماسى جەتپەسە، وسىنداي اقشا سوماسىن تۋعان اتا-اناسىنا دا بەرۋ كەرەك. 5-6 بالاعا 20 ا ە ك - بۇل ورتاشا جالاقى مولشەرىنە ساي. بۇل انانىڭ جۇمىسقا شىقپاۋىنا مۇمكىندىك بەرەدى. 20 ا ە ك- بۇل ءبىر بالاعا»، - دەدى زاكيەۆا.
ايتا كەتەتىن جايت، 20 ا ە ك 101 مىڭ تەڭگەگە تەڭ.
بۇگىندە ءتورت بالا تاربيەلەپ وتىرعان كوپبالالى انالار 4,16 ا ە ك الادى. بۇل ايىنا 10405 تەڭگەنى قۇرايدى.
«التىن القا»، «كۇمىس القا» دارەجەسىن العان، التىدان كوپ بالاسى بار انالار 6,4 ا ە ك - 16160 تەڭگە الادى.
ەسكە سالا كەتەيىك، بۇگىن قازاقستاندا ەلباسىنىڭ تاپسىرماسىمە رەسپۋبليكالىق بالالار قۇقىعىن قورعاۋ كوميتەتى قۇرىلدى.