ءۇش جىلدا ستۋدەنتتەر اراسىندا 100 مىڭ اۋديتوريا تاپشىلىعى بولۋى مۇمكىن
«ءبىزدىڭ سالاداعى كورسەتكىشتەر اسا وزگەرە قويعان جوق. قازىر ەلىمىزدە 119 ۋنيۆەرسيتەت جانە 626 مىڭ ستۋدەنت بار. وعان قوسا، بارلىق ەسەپتە دەموگرافيا تۋرالى ءجيى ايتىلادى، بولجام بويىنشا 2025-جىلعا قاراي بىزدە 800 مىڭ ستۋدەنت بولادى»، - دەدى ساياسات نۇربەك ەلوردادا ءوتىپ جاتقان تۇڭعىش جوعارى ءبىلىم جانە عىلىم فورۋمىندا.
ءمينيستردىڭ ايتۋىنشا، بۇل اۋديتوريا مەن جاتاقحاناداعى توسەك-ورىن جەتىسپەۋشىلىگىن ۇنەمى تۋدىرىپ وتىرادى.
«بۇل اڭگىمە توقتامايدى جانە جۇمىسىمىزدىڭ باسىمدىقتارىنىڭ ءبىرى بولىپ قالا بەرەدى. 2026-جىلعا قاراي 100 مىڭ اۋديتوريا تاپشىلىعى بولادى دەپ بولجاپ وتىرمىز. جاتاقحانالار بويىنشا - قازىرگى ۋاقىتتا 19 مىڭعا جۋىق توسەك-ورىن تاپشىلىعى بار»، - دەدى عىلىم ءمينيسترى.
ايتا كەتەيىك، استانادا تۇڭعىش رەت جوعارى ءبىلىم جانە عىلىم فورۋمى ءوتىپ جاتىر.
فورۋمنىڭ تاقىرىبى ەلدىڭ ەكونوميكالىق ءوسۋىنىڭ نەگىزى رەتىندە ادامي كاپيتالدى دامىتۋعا ارنالعان.