استانادا توقتاۋسىز جاۋعان جاڭبىرعا بايلانىستى 100 دەن استام تەحنيكا جۇمىلدىرىلدى
08:10, 07 - تامىز 2023
استانا. قازاقپارات - استانادا توقتاۋسىز جاۋعان جاڭبىرعا بايلانىستى 100 دەن استام تەحنيكا جۇمىلدىرىلدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.
«Elorda eco system» مەكەمەسى جەرۇستى سۋلارىن بۇرۋدى قامتاماسىز ەتۋ ماقساتىندا تۇراقتى نەگىزدە ءتيىستى شارالار جۇرگىزىپ جاتىر: كوللەكتورلار مەن جاڭبىر قابىلداعىشتاردى تازارتۋ، قۇبىرلاردى بۋلاندىرۋ، سۋ شىعارۋ. سونداي-اق نوسەر كارىز جۇيەلەرى مەن تازارتۋعا ارنالعان قۇرىلىس جۇمىستارى جۇرگىزىلىپ جاتىر.
بۇعان دەيىن وسى ءىس-شارالاردىڭ ارقاسىندا 201 پروبلەمالى ۋچاسكەدەگى سۋ تاسقىنى ماسەلەسىن شەشۋگە مۇمكىندىك بەردى.
2023 -جىلى جەرۇستى سۋلاردى بۇرۋ ءۇشىن 2,5 ك م ماگيسترالدىق نوسەر كارىز جەلىسىن سالۋ جوسپارلانىپ وتىر.