ءۇندىستان مەن پاكىستاندا قۋاتتى تسيكلون قارساڭىندا 100 مىڭنان استام ادام ەۆاكۋاتسيالاندى
بيپاردجا بەنگال تىلىنەن اۋدارعاندا «اپات» دەگەن ماعىنانى بىلدىرەدى. سينوپتيكتەردىڭ بولجامىنشا بيپرادجا اراب تەڭىزىنەن ءوتىپ، بەيسەنبى كۇنى كەشكىسىن ءۇندىستاننىڭ گۋدجارات شتاتىنا جەتەدى. تسيكلون جەرگىلىكتى تۇرعىنداردىڭ ۇيلەرى مەن ەگىستىكتەرىن جويۋى مۇمكىن.
ال، پاكىستاندا داۋىل سيند پروۆينتسياسىنىڭ جاعالاۋىنا كەلەدى. بيلىك وڭتۇستىك-شىعىس جاعالاۋدان 62 مىڭ ادامدى ەۆاكۋاتسيالادى جانە 75 لاگەر قۇردى.
پاكىستان كليمات وزگەرىسى ءمينيسترى شەرري رەحماننىڭ ايتۋىنشا، 20 ميلليون ادام تۇراتىن پروۆينتسيانىڭ ءىرى قالاسى كاراچيگە قاۋىپ ءتونىپ تۇر، ءبىراق شۇعىل شارالار قابىلدانىپ جاتىر.
مەتەورولوگتەردىڭ ايتۋىنشا، بۇل قۋاتتى داۋىلدىڭ جىلدامدىعى ساعاتىنا 135 شاقىرىمعا دەيىن جانە ەكپىنى 150 شاقىرىمعا دەيىن جەتەدى. سونداي-اق، ولار تولقىننىڭ كوتەرىلۋىنەن جاعالاۋداعى اۋدانداردى سۋ باسۋى مۇمكىن ەكەنىن ەسكەرتتى.
بيلىك گۋدجارات اۋدانىندا پويىز قوزعالىسى توقتاعانىن مالىمدەدى، ال ءۇندىستاننىڭ ەكى ءىرى كاندلا جانە مۋندرا پورتتارى جۇمىسىن توقتاتتى.
كەيىنگى جىلدارى كليماتتىڭ وزگەرۋىنە بايلانىستى اراب تەڭىزىنىڭ بەتكى تەمپەراتۋراسىنىڭ جوعارىلاۋى قورشاعان ايماقتاردى جويقىن داۋىلدارعا ودان دا وسال ەتتى. ايتا كەتسەك، تاۋكتاە تسيكلونى - 2021-جىلدىڭ مامىرىندا وسى وڭىرگە كەلگەن سوڭعى كۇشتى تسيكلون. ول كەزدە 174 ادام قازا تاپقان بولاتىن.