قازاقستان تۇركياعا تاعى 100 كيىز ءۇي جىبەرەدى
بۇل تۋرالى تۇركيا رەسپۋبليكاسىنىڭ قازاقستانداعى ەلشىسى ۋفۋك ەكيدجي بۇگىن ەلشىلىكتە وتكەن بريفينگىدە ايتتى، دەپ حابارلايدى قازاقپارات ءتىلشىسى.
«قازاقستاندىق ەرىكتىلەر تاراپىنان ۇسىنىلعان 100 گە جۋىق ءداستۇرلى قازاق كيىز ءۇيى كاحرامانماراشتا ورناتىلدى. سول جەردەگى حالىق سىزدەردىڭ قولداۋلارىڭىزدى سەزىنىپ جاتىر. وندا قازاقستاننىڭ تۋى كورىنىپ تۇر. الماتىدان تاعى 100 كيىز ءۇيدى تۇركياعا جىبەرۋ بويىنشا جۇمىستار جالعاسۋدا»، - دەپ ءمالىم ەتتى ۋفۋك ەكيدجي استانادا وتكەن .
ول قازاقستان ەكى جىل بۇرىن تۇركيادا بولعان الاپات ورمان ءورتى كەزىندە دە قولداۋ كورسەتكەنىن ەسكە سالدى.
«قازاقستان بۇگىنگى ەلىمىز ءۇشىن قيىن كۇنىندە قاسىمىزدان تابىلدى. ءبىز باۋىرلارىمىز كورسەتكەن بۇل ىنتىماقتاستىقتى، جانكەشتىلىكتى ۇمىتپايمىز»، - دەپ ريزاشىلىق ءبىلدىردى ول.
سونداي-اق ديپلومات بريفينگ بارىسىندا زارداپ شەككەندەرگە كومەك رەتىندە قازاقستاندىقتار 5 ميلليون دوللار جيناعانىن ايتىپ، العىس ءبىلدىردى. ال قازاقستان ۇكىمەتى باۋىرلاس ەلگە 1 ميلليون دوللار كولەمىندە قارجىلاي قولداۋ كورسەتتى.
بۇعان قوسا، قازاقستاننان الداعى ۋاقىتتا تۇركياعا تاعى ەكى ۇشاق گۋمانيتارلىق كومەك جەتكىزىلەتىن بولادى.