ا ق ش تۇركياعا گۋمانيتارلىق كومەك كورسەتۋ ءۇشىن تاعى 100 ميلليون دوللار بولەدى
12:51, 20 - اقپان 2023
استانا. قازاقپارات – بۇل تۋرالى وسى ەلگە رەسمي ساپارمەن بارعان مەملەكەتتىك حاتشى ەنتوني بلينكەن مالىمدەدى.
ونىڭ ايتۋىنشا، ۆاشينگتون سانكسيالارعا قاراماستان سيرياعا دا قولداۋ كورسەتۋگە نيەتتى. ءبىراق وعان سوعىستان قيراپ، بۇلىنگەن ينفراقۇرىلىم كەدەرگى كەلتىرۋدە دەيدى.
ا ق ش تۇركيا مەن سيريادا جەر سىلكىنىسىنەن كەيىن ءوز قۇتقارۋشىلارىن اتتاندىرىپ، اپاتتىڭ سالدارىمەن كۇرەسكە 85 ميلليون دوللار قارجى بولگەن بولاتىن.
ەنتوني بلينكەن، ا ق ش مەملەكەتتىك حاتشىسى:
- مەن اپات بولعان اۋدانداردى ارالاپ كوردىم. ءزىلزالانىڭ سالدارىن سوزبەن ايتىپ جەتكىزۋ مۇمكىن ەمەس. تابيعات اپاتىنان ونداعان مىڭ ادام قازا تاۋىپ، ميلليونداعان تۇرعىن زارداپ شەكتى. قازىر ايماقتاردا قالپىنا كەلتىرۋ جۇمىستارى باستالىپ كەتتى. ءبىز تۇركيا مەن سيرياعا قولدان كەلگەنشە كومەكتەسۋگە دايىنبىز.
www.24.kz