جەمقورلىقتان تۇسكەن اقشاعا ارنالعان شوتتا 100 ميلليارد تەڭگە جاتىر - ەرۇلان جاماۋبايەۆ
«پرەزيدەنتتىڭ تاپسىرماسى بويىنشا سىبايلاس جەمقورلىق ىستەرى اياسىندا الىنعان قاراجات ارنايى شوتتا جينالادى. بۇل شوت ءبىلىم بەرۋ ينفراقۇرىلىمىن قولداۋعا باعىتتالعان. قازىر وندا شامامەن 100 ميلليارد تەڭگە جيناقتالعان. بۇل قاراجات ەلىمىزدىڭ مەكتەپتەرىن سالۋعا جانە جوندەۋگە باعىتتالادى»، - دەدى ەرۇلان جاماۋبايەۆ ۆەدومستۆونىڭ كەڭەيتىلگەن القا ماجىلىسىندە.
بۇعان دەيىن مينيستر الداعى ناقتىلاۋ كەزىندە رەسپۋبليكالىق بيۋجەتتىڭ شىعىس بولىگىن قىسقارتۋ جوسپارلانعانىن ءمالىم ەتكەن ەدى.
«بيۋجەتتى جوسپارلاۋ پروتسەسىندە شىعىندار وڭتايلاندىرىلادى جانە بيۋجەتتىڭ تەڭگەرىمدىلىگىن قامتاماسىز ەتۋدى كوزدەپ وتىرمىز. جاقىن ارادا ءبىز بيىلعا ارنالعان رەسپۋبليكالىق بيۋجەتتىڭ شىعىس پارامەترلەرى مەن باعىتتارىن ناقتىلايمىز. بۇل رەتتە پرەزيدەنتتىڭ سايلاۋالدى باعدارلاماسى مەن قازاقستان حالقىنا جولداۋىندا ايتىلعان باستامالارى مەن تاپسىرمالارىنا باسا نازار اۋدارىلادى»، - دەدى ول.