ش ق و- دا شەتەلدىكتەردىڭ كەلگەنى تۋرالى حابار بەرمەگەن 100 دەن استام ادام جاۋاپقا تارتىلدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى ءوڭىر اۋماعىندا «زاڭسىز كەلۋشى» جەدەل الدىن الۋ شاراسىن جۇرگىزدى.
سونىڭ بارىسىندا ترانزيتتىك كولىكتەر، جاتاقحانالار مەن قۇرىلىس جۇمىستارى جۇرگىزىلىپ جاتقان نىساندار باقىلاۋعا الىندى. سونداي- اق وبلىس اۋماعىندا ۋاقىتشا جانە تۇراقتى تۇراتىن شەتەل ازاماتتارى تىركەلگەن مەكەنجايلار، قابىلداۋشى تۇلعالاردىڭ شەتەلدىك قوناقتارى تۋرالى حابارلامالارىنىڭ بولۋى تەكسەرىلدى.
«ناتيجەسىندە، شەتەلدىكتەردىڭ كەلگەنى تۋرالى قۇزىرلى ورگانعا ۋاقتىلى حابار بەرمەگەن 100-دەن استام شىعىس قازاقستاندىق جاۋاپقا تارتىلدى. سونىڭ ءبىرى التاي اۋدانىنىڭ كاسىپكەرى بولدى. وعان ق ر ا ق ب ت ك- ءنىڭ 518-بابى 3-بولىگىنە سايكەس اكىمشىلىك حاتتاما تولتىرىلىپ، 70 ا ە ك كولەمىندە ايىپپۇل سالىندى»، - دەدى ش ق و پ د كوشى- قون قىزمەتى باسقارماسى باسشىسىنىڭ مىندەتىن اتقارۋشى رينات شكيبايەۆ.
اۆتور
تالعاتجان مۇحامەتبەك ۇلى