ەڭ قارتى تۇركىستان وبلىسىندا تۇرادى، ول 121 جاسقا تولعان، دەپ حابارلايدى قازاقپارات ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
«ادەتتە، ەلىمىزدىڭ وڭتۇستىك وڭىرىندە ادامدار ۇزاق ءومىر سۇرەدى دەۋگە بولادى. تۇركىستان وبلىسىندا 100 جانە ودان جوعارى جاستاعى 75 ادام بار ەكەنىن ايتا كەتۋ كەرەك. ۇزاق ءومىر سۇرۋشىلەر سانى بويىنشا ەكىنشى ورىندا ەلىمىزدىڭ ەڭ ءىرى قالاسى - الماتى. وندا 100 جاستان اسقان 62 ادام تۇرادى. ۇزاق ءومىر سۇرەتىندەر سانى بويىنشا ءۇشىنشى ورىندا الماتى وبلىسى تۇر، وندا 100 جانە ودان جوعارى جاستاعى 55 ادام تۇرىپ جاتىر»، - دەلىنگەن ۆەدومستۆو حابارلاماسىندا.
سونداي-اق، ەڭ قارت قازاقستاندىق تۇركىستان وبلىسىندا تۇرادى، ونىڭ جاسى 121-دە. ەكىنشى - شىمكەنت قالاسىنىڭ تۇرعىنى، ول 120 جاستا. ءۇشىنشى قاريا جامبىل وبلىسىندا تۇرادى، ول بيىل 119 جىل جاسادى.
ايتا كەتەيىك، جىل سايىن بۇكىل الەمدە، ونىڭ ىشىندە قازاقستاندا دا 1-قازاندا حالىقارالىق قارتتار كۇنى اتالىپ وتەدى. بۇل مەرەكەنى 1990 -جىلى 14-جەلتوقساندا بىرىككەن ۇلتتار ۇيىمىنىڭ باس اسسامبلەياسى 45 سەسسيادا جاريالادى. ونى وتكىزۋدىڭ باستى ماقساتى - ەگدە جاستاعى ادامداردىڭ مەملەكەت پەن قوعام الدىنداعى ەڭبەگىن قۇرمەتتەۋ جانە تانۋ، سونداي- اق ولاردىڭ پروبلەمالارى مەن قاجەتتىلىكتەرىنە، ءومىر ءسۇرۋ ساپاسىن ارتتىرۋعا نازار اۋدارۋ، ولارعا جالپىعا بىردەي قامقورلىق كورسەتۋ.
بۇعان دەيىن حابارلاعانىمىزداي، قارتتار كۇنىنە وراي ەلوردادا تۇراتىن 91672 زەينەتكەر ءبىرجولعى الەۋمەتتىك تولەم الادى.
سونداي- اق، وسى مەرەكەگە وراي ەلوردالىق مادەنيەت، ءبىلىم بەرۋ، سپورت مەكەمەلەرى اعا ۇرپاققا قامقورلىق، قۇرمەت كورسەتۋگە باعىتتالعان كوپتەگەن ءىس-شارا وتكىزەدى.